Дорис Ди на 16 години запеа на Макфест и ја освои публиката (видео)
Дорис Ди на само 16 години беше најмладиот учесник на Макфест оваа година, а со нејзиниот зрел и школуван глас, ја освои публиката на дебитантската вечер која се одржи на 23 октомври и доби влез на финалната вечер на 24 октомври.

Песната ,,Кога не ме сакаш" е компонирана и напишана од страна на Весна Малинова за отприлика 30 минути, посветена е за Дорис и што би рекла и самата оваа песна е напишана за моја душа...аранжманот е на Давор Јордановски, а снимана е во студио Тра ла ла Скопје.
Настапот за Дорис значи среќа, многу е среќна што на 16 години учествуваше на Макфест. Второ, значи голем предизвик да се учествува на еден ваков еминентен фестивал и трето значи самодоверба и сериозен влез на музичката сцена.

Воедно, Дорис на само 15 години учествуваше на Охрид фест, а истиот го повтори и оваа година на сцената Долни Сарај во Охрид.
Нејзината менторка Ана Дурловска која ја бодреше од публиката во салата ,,Ацо Шопов" во Штип е причинителот за нејзиниот досегашен успех и нејзината мотивација во полето на музиката.
