Тетовскиот бенд Conquering Lion со нов албум - реге повик за единство и љубов“

Тетовскиот реге бенд Conquering Lion го најавува својот најнов студиски албум „ONE WORLD“ – моќна музичка порака за единство, љубов и духовно будење во поделениот свет.  

Преку свесни текстови и ритми инспирирани од корените на регето, албумот ги спојува борбата против скршениот систем и надежта за подобро утре. 

„ONE WORLD“ е безвременски потсетник дека и покрај хаосот, сите сме дел од еден свет – еден народ, една љубов.

Conquering Lion е даб/реге/кросовер бенд од Тетово, активен од 2007 година. Преку годините, тие се издигнаа во еден од највлијателните реге состави од регионот, со препознатлив звук што спојува автентичен коренски реге и современи елементи. 

Бендот има издадено пет студиски албуми, меѓу кои „I“, „Know Your Wisdom“, „Revelation“, „Land of Confusion“ и „Revolution Time“. 

Албумот „Land of Confusion“ беше на листата за преноминации за Греми во категоријата најдобар реге албум, а нивната музика се промовираше и на најголемиот европски реге портал Reggaeville.

Conquering Lion имаат настапувано на бројни фестивали и сцени низ Европа – од Германија, Хрватска, Словенија, Србија и Бугарија, до Полска и Холандија, делејќи сцена со имиња како Manu Chao, Gentleman, Hornsman Coyote и Raphael. Во моментов, бендот работи на својот шести студиски албум, чиј прв сингл „Warning“ е објавен во соработка со Hornsman Coyote.

Со „ONE WORLD“, Conquering Lion повторно потсетуваат дека регето не е само музика – туку движење, порака и начин на живот.

 Уживајте во нивниот албум: