Песна, пријателство и сеќавање: „Виолина и…“ на Коки Јанков доби анимирано видео
Со анимирано видео изработено со современи дигитални алатки, Коки Јанков ја претстави визуелната на песната „Виолина и…“, која ја испеа на годинешниот Макфест, а ја посвети на својот починат другар Душан Љубисевљевиќ Дуле.
Видеото, изработено од Ефтимија Јованова, претставува внимателно осмислена визуелна интерпретација на песната, во која се појавуваат младите верзии на Дуле и Коки, а ликовите се добиени преки АИ алатка за анимација.
„Целта беше да направиме видео кое ќе функционира како продолжение на песната, а не како нешто што ја објаснува. АИ алатката беше само средство - приказната, дизајнот и идејата се резултат на чист креативен процес. Сакавме визуелно решение кое ќе изгледа искрено и природно, без претерување,“ вели Ефтимија Јованова, креатор и режисер на видеото.
Песната „Виолина и…“ е дело на проверен авторски тим – музиката и текстот се на Јован Јованов, додека аранжманот е на Дамјан Лазаров.
Погледнете го видеото:
Би можело да ве интересира:
Препорачуваме
Најчитани неделава
