Македонска, бугарска, турска, грчка или албанска - една иста песна за која не може да се одлучи чија е и од каде точно потекнува

Додека седела една вечер во кафеана во Истанбул со своите пријатели од Балканот, бугарската наградувана режисерка Адела Пеева ја добила можеби најдобрата идеја за документарен филм.

Имено, кога ја слушнала песната од своето детство како се изведува во кафеаната, сите соговорници започнале да си ја потпевнуваат на својот јазик и сите се изјасниле дека оригинално потекнува од нивната матична земја.

Приказната која започнува во Истанбул ќе ги однесе во Македонија, Грција, Србија, Албанија, Босна и Херцеговина и Бугарија.

Сепак, познатата мелодија во секоја од земјите е присутна во многу различни верзии, а сите од мештаните тврдат дека е нивна.

„Чија е таа песна?“ прашува Пеева во интересниот документарец кој ги „чешла“ балканските музички традиции кои најчесто се испреплетуваат. Интересни се емотивните реакции на луѓето во филмот, бидејќи сите се навредени од прашањето.

Секако дека песната е наша, е одговорот на сите, без разлика дали интервјуто се спроведува во Грција, Бугарија, Македонија, Србија или Албанија.

Пеева потенцира 2 моменти – дека оваа песна се одликува со воинствени мотиви, а тактот доаѓа од северна Европа, бидејќи е нетипичен за Балканот.

Чија и да е оригиналната верзија, песната и музиката се создадени за пеење и зближување на народите, а не за ширење омраза, нели?

Слушнете ја песната која добро ќе ја препознаете уште во првите неколку секунди. Веруваме дека секој секој од народите кажал – „Нашата верзија е сепак најубава“, а ние несомнено го тврдиме истото:

Mакедонскатa верзија во изведба на неповторливиот Тоше Проески и Синтезис - Ој девојче, девојче

https://www.youtube.com/watch?v=W8Ln5Z6Ecu0

Песната на турски јазик

Üsküdar'a gider iken (Katibim)

Најпознатата верзија на грчки јазик

Apo xeno topo

Најпознатата српска верзија

Ruse kose

https://www.youtube.com/watch?v=79ogsTMee3Y

Босанската верзија на песната

Oj djevojko Anadolko budi moja ti

Албанската верзија на песната

Mu në bashtën tënde

Погледнете го и трејлерот за песната која очигледно им припаѓа на сите и никому истовремено:

(О)Милена | Црнобело