Може ли да го замени Фреди Меркјури - кој пејач е на турнеја со Queen?
Спонзорирано од:
Спонзорирано од ОгласиЗаРабота.мк
Kelner 18-08-2019
КЕЛНЕР 18-08-2019


Може ли да го замени Фреди Меркјури - кој пејач е на турнеја со Queen?

Адам Ламберт е дел од турнеите на бендот Queen, а настапувал и цели 3 недели во Лас Вегас годинава заедно со нив. Се сеќавате ли на него?

Koj-pejac-e-na-turneja-so-Queen-01.jpg

36-годишниот пејач со неверојатни вокални способности им се приклучи на Queen во 2011 година, заземајќи го местото на Фреди Меркјури кој почина во 1991 година. Групата сега се нарекува Queen + Adam Lambert, а настапуваат заедно од 2014 година.

Гитаристот Брајан Меј вели дека Ламберт е толку добар во улогата, што господинот Меркјури, „би бил љубоморен“.

„Фреди би го сакал и би го мразел истовремено, бидејќи Адам има дар од Господ. Тој има глас меѓу милијарда, никој не го поседува тој распон, никој со којшто сум работел и не се работи само за распонот, туку и за квалитетот на истиот. Го гледам Адам како напредува на истиот начин како што напредуваше и Фреди“.

Меј исто така нагласува колку многу ужива што настапуваат во живо, а понекогаш признава дека мора да направи пауза, бидејќи од гласот на Адам му поминуваат морници низ ’рбетот.

Тој вели:

„На ниту еден начин не го имитира Фреди, но тој е делчето од сложувалката кое недостасува“.

Пејачот кој стана особено популарен откако заврши втор на музичкото шоу со натпреварувачки карактер Американски идол во 2009 година, го издаде својот прв албум истата година со наслов For Your Entertainment, а веројатно сите се сеќавате на хитот Whataya Want from Me.

„Неверојатно е, бидејќи немаше да го правиме ова доколку не беше Адам“.

Откако бендот настапил во дует со Адам во финалето на Американски идол, членовите на Queen биле толку многу импресионирани од него што побарале да им се приклучи.

„Имаше нешто неверојатно во врска со Адам, хемијата беше инстантна и се чувствувавме како да е веќе дел од бендот“.

Секако, Адам Ламберт не може да биде она што беше Фреди Меркјури. Навистина никој не би можел да го замени Фреди. Но, обожавателите кои го виделе како настапува со Queen велат дека тој е ѓаволски достојна замена за великанот. И дека Фреди би бил горд и среќен.

Koj-pejac-e-na-turneja-so-Queen-02.jpg

Koj-pejac-e-na-turneja-so-Queen-03.jpg

Доколку не верувате, погледнете како звучи Адам Ламберт на местото на Фреди Меркјури:

Queen + Adam Lambert - Somebody To Love

Adam Lambert with QUEEN - Bohemian Rhapsody

Queen + Adam Lambert - Don’t Stop Me Now

(О)Милена | Црнобело

Би можело да ве интересира:

Кои песни се очекува да бидат хитови за пролет 2019? Сè уште се нема издвоено ниту една песна која е на пат да ја одбележи 2019 годин...
Интервју Replay: Секој настап каде луѓето реагираат позитивно на нашат... Бендот Replay активно свири веќе 4 години и бендот е составен од гитара, &n...
Дуа Липа царуваше на топ листите - Кои песни најмногу се слушаа во 201... Кои песни станаа најголеми хитови во годината со која сме подготвени да се збогу...