Зошто ни требаше толку време да ја откриеме Дина Јашари – магичниот глас и надеж на македонската музичка сцена
Сите, а бевме навистина многу на број, кои ја поминавме новогодишната ноќ дома и се вклучивме на концертот Live and Cozy@MKC со наслов ЧАО2020, дефинитивно не останавме рамнодушни на гласот и стасот на прекрасната Дина Јашари.
Нејзиниот настап апсолутно ни ги плени срцата па си посакавме година која е убава како неа и нејзиниот глас.
Но, зошто ни требаше толку време да ја откриеме Дина Јашари? Која е таа?
21-годишната пејачка е студент на Факултетот за музичка уметност во Скопје. Она што малкумина го знаат за неа е дека била придружен вокал на бендот Ај Кју, а настапувала со нив и на Евровизија во 2018 година.
Таа носи сосема поинаков звук, особено од оној кој се наметнува на Балканот во последниве неколку години.
Се потпишува на дури 5 авторски песни: „Вреди ли“, „Дојди со мене“, „Зборови“ и „Бои“, а „Последна минута“ е нејзино целосно авторско дело.
Се надеваме дека ќе слушнеме уште многу квалитетни песни од оваа прекрасна девојка која заслужува многу повеќе внимание.
(О)Милена | Црнобело / фото: Инстаграм
Би можело да ве интересира:
Препорачуваме
Најчитани неделава
