Руслана, Кончита – Како изгледаат и што прават денес најпознатите евровизиски натпреварувачи?

Александар Рибак

Младиот виолинист со потекло од Белорусија ја претставуваше Норвешка на Евровизија 2009. Неговата песна победи „без конкуренција“ – на второто место беше Исланд со дури 169 бодови помалку.

Веднаш по победата Александар издаде музички албум и одеше на турнеи, но денес неговата слава постепено спласнува. Минатата година пејачот изјави дека имал проблеми со зависност од дрога, но наводно ги надминал и иако не е популарен како порано, уште свири виолина и одвреме-навреме снима песни.

Verka Serduchka

Андриј Михајлович Данилко нам ни е познат по неговото уметничкото име – Verka Serduchka. Тој е украински комичар и пејач, а во 2007-ма ја претставуваше Украина на Евровизија и го освои второто место.

Во 2018 година тој најави дека ќе се пензионира, но само две години подоцна, во 2020-та, издаде уште еден албум, а наводно сакал повторно да се пријави на Евровизија.

Марија Шерифовиќ

Зарем некој остана рамнодушен на моќниот глас на Марија за време на Евровизија 2007?

Победата на Шерифовиќ беше дефинитивно заслужена, а после натпреварот таа си ја продолжи музичката кариера. Денес Марија уште е активна на сцената, пишува песни и одржува концерти.

t.A.T.u.

Лена и Јулија од руското дуо t.A.T.u. ја претставуваа Русија на Евровизија 2003 и го освоија третото место.

За жал, кратко по натпреварот групата се распадна, а Лена и Јулија до денес не разговараат една со друга. Лена уште работи на својата музичка кариера, а одвреме-навреме се појавува и во некои телевизиски серии. Таа е и самохрана мајка на едно дете.

И Јулија е разведена, има две деца, но повеќе не е активна на музиката сцена.

Кончита Вурст

Кончита Вурст, чие вистинско име е Томас, ја претставуваше Австрија на Евровизија 2014. Иако јавноста беше шокирана од тоа што Кончита беше „жена со брада“, првото место сепак ѝ припадна на Австрија.

Уште пред неколку години, Томас изјави дека го надраснал имиџот на Кончита и сега сака да проба друг стил. Томас уште е активен на музичката сцена и до денес издава песни и албуми.

Спирова С. | Црнобело