Зошто сопствениот глас го слушаме различно?

Си го слушаме сопствениот глас на еден начин, а потоа ако се снимаме, на сосема поинаков начин - сите ние сме го искусиле овој чуден и речиси непријатен момент кога ќе се изненадиме од тоа како звучиме на снимката.

Постои објаснување за овој феномен. Причината е прилично едноставна. Кога го слушаме нашиот глас од снимка, звучните бранови кои произлегуваат од звучниците патуваат до нашите уши низ воздухот и тогаш го слушаме нашиот глас на начин на кој другите луѓе нè слушаат кога зборуваме.

Но, кога го слушаме сопствениот глас кога зборуваме, го слушаме на два различни начини - внатрешно и надворешно. Прво го слушаме звукот кој произлегува од нашата уста и истовремено ги слушаме вибрациите кои се произведуваат од нашите гласни жици кои патуваат низ нашата глава.

Коските во нашата глава имаат тенденција да ги зголемат пониските фрекфренции и токму затоа гласот си го слушаме како подлабок отколку што навистина е.

Па, ако сакате да слушнете како навистина звучи вашиот глас снимете се или доволно е да го покриете левото уво додека зборувате.

Н. Г. | Црнобело