Франческо Тоти: „Паднав во депресија кога почина татко ми, додека сопругата ме изневеруваше“

Детали

петок, 24 март 2023

„Открив дека постои трето лице кое е посредник помеѓу Илари и другиот маж. И така добив докази за аферата. Тоа ме доведе до депресија“ - Поранешниот италијански репрезентативец и играч на „Рома“, Франческо Тоти, откри дека паднал во депресија кога дознал дека неговата сопруга Илари Блази го изневерува. Тоа се случило во време кога неговиот татко починал од ковид.

Легендата на „Рома“ 17 години беше во брак со позната водителка, но бракот пропадна кога фудбалерот објави дека ја завршува кариерата.

Тоти и Блази се венчаа во 2005 година и имаат три деца, Кристијан, Шанел и Изабел, но во јули 2022 објавија дека се разведуваат.

Иако многумина во тоа време веруваа дека фудбалерот ја изневерил сопругата со цвеќарката Ноеми Бочи, подоцна се покажа дека Илари го изневерувала него со фитнес тренерот Кристијано Јовино.

Брзо откако се дозна за аферата и разводот, Тоти се повлече од јавноста.

Неодамна во интервју тој првпат раскажа за најтешките денови од животот. Вели, во исто време татко му починал од корона, а додека му било најтешко, дознал за неверството на сопругата, па паднал во депресија.

„Преживеав тежок период. Прво затоа што престанав да играм, а потоа татко ми почина од Ковид“, пренесе „Pulse Sports“.

Спортскиот весник пишува дека Тоти тешко го поминал ковидот и дека тоа му биле едни од најтешките денови во животот.

„Имав силен ковид 15 дена. Но мојата сопруга не беше таму кога најмногу ми требаше. Не е точно дека јас бев првиот што изневерил.

Реков дека нема да зборувам и не зборував за тоа што се случуваше, но прочитав премногу измислици, а поради некои од нив и моите деца страдаа“, вели Тоти во интервјуто.

Тој раскажа и дека за аферата на сопругата дознал од блиски луѓе кои му кажале дека Илари има друг маж. Иако не сакал да верува, во еден момент почнал да се сомнева, па ѝ го проверил мобилниот телефон.

„Открив дека постои трето лице кое е посредник помеѓу Илари и другиот маж. И така добив докази за аферата. Тоа ме доведе до депресија.

Веќе не можев да се преправам дека ништо не се случува, но тоа веќе не бев јас, тоа беше некој друг. Излегов од депресијата благодарение на Ноеми“, вели Тоти.

Франческо Тоти веќе не крие дека е во врска со Ноеми, која е 11 години помлада од него. Тие пред неколку месеци беа на летување, а друштво им правеше Шанел, ќерката на Тоти.

За потсетување, Тоти се пензионираше во 2017 година по трофејна кариера која траеше повеќе од две децении.

А. Ј. | Црнобело