Шенон Доерти се разведува од сопругот по 11 години брак, среде битката со ракот на дојка: „Немаше друг избор“

Детали

недела, 23 април 2023

По 11 години брак, Шенон Доерти поднесе барање за развод од сопругот Курт. Засега не е позната точната причина, но извори блиски до актерката алудираат на тоа дека сопругот имал афера.

Среде битката со ракот, актерката Шенон Доерти поднесе барање за развод по 11 години брак.

52-годишната ѕвезда од Beverly Hills и Charmed го поднела барањето во петокот, а според TMZ, со сопругот биле разделени уште од јануари годинава.

Шенон и сопругот Курт се венчаа во 2011 година и немаат деца. За Шенон, ова ќе биде третиот развод.

Според портпаролката на актерката, Шенон не сакала развод, но немала друг избор. Истовремено, таа им порача на американските медиуми да стапат во контакт со агентката на Курт, алудирајќи на тоа дека можеби станува збор за афера.

„Разводот е последното нешто што го сакаше Шенон. За жал, беше оставена без ниту една друга опција.

Можете да стапите во контакт со агентката на Курт, Колиер Грим, бидејќи таа е интимно вклучена во ситуацијата“.

Моментално Шенон води битка со рак на дојката во четврти стадиум, а ова дополнително го влошува разводот.

Извори блиски до парот споделија дека актерката не е во добра здравствена состојба, па разводот ќе бил „горчлив“.

Шенон и претходно водеше битка со ракот, а во 2017-та сподели дека е во ремисија. За жал, во 2020-та болеста се врати.

Претходно Шенон има изјавено дека болеста ја зближила со сопругот.

„Ракот ни ја зајакна врската. Јас и Курт сега повеќе се цениме еден со друг. Ова не значи дека претходно нашиот брак беше лош. Но, дефинитивно минувавме низ тешки периоди.

Се каравме и наместо да го решиме проблемот, не зборувавме со денови. Сега не дозволуваме да бидеме лути еден на друг цела ноќ. Последната голема караница ни беше пред ракот“.

Актерката неколкупати има изјавувано и дека Курт ѝ е најголемата поддршка во тешките мигови.

Спирова С. | Црнобело