Спектакуларно отворена Евровизија 2023 - се појави и принцезата Кејт на пијано (видео)

Детали

сабота, 13 мај 2023

Евровизија 2023 започна со спектакл кој требаше да ја нагласи минатогодишната победа на Украина, но и нивната соработка со Велика Британија. Меѓу големиот број Британци што настапија со Украинците „Калуш оркестра“ беше и принцезата Кејт.

Вечерва се одржува финалната вечер на Евровизија 2023. Вечерта започна со заеднички спот во кој минатогодишните победници на Евровизија, „Калуш Оркестра“ ја испеаја песната „Стефанија“, а во спотот се појавија и повеќе британски музичари и познати личности.

Во еден сегмент ја видовме и идната британска кралица, принцезата Кејт како свири на пијано, како и украинската победничка од 2016-та година Џамала.

По спотот, перформансот продолжи на евровизиската сцена, каде беше организиран спектакуларен настап, со танчари, хор, хип-хоп изведувачи..

Вечерва на сцената ќе се појават претставниците на 26 земји, по 10 финалисти кои победија во двете финални вечери што се одржаа во текот на изминатата недела, како и шест претставници кои одат директно во финале.

За најголем фаворит се смета претставничката на Шведска, Лорин, која победи во 2012-та година, а по неа се претставниците на Финска, Украина, Франција и Израел.

Погледнете ја изведбата на Лорин од полуфиналната вечер:

Б. С. Б. | Црнобело