На Британката ѝ се распара фустанот, на сцена танцуваа мажи во женска облека - забавни моменти од второто полуфинале на Евровизија 2023

Детали

петок, 12 мај 2023

Прасето Пепа беше хит во публика, „драг квинс“ пееја на паузата на шоуто облечени како водителките, најпознатиот британски комичар Греам Нортот порача: „Останете трезни за да ја преживеете Евровизија“ - кои беа најинтересните моменти од второто полуфинале во Ливерпул 2023?

Вчеравечер (11.05) во Ливерпул се одржа второто евровизиско полуфинале. Според фановите и нивните реакции на социјалните мрежи, тоа беше помалку забавно од првото.

Но, велат, сега, откако знаат кои ќе бидат сите 26 натпреварувачи, очекуваат добра забава во финалето.

Десетте победници од второто полуфинале беа изненадување за многумина, откако Грузија, која беше еден од фаворитите, не се пласираше понатаму.

Во финалето влегоа Албанија, Кипар, Естонија, Белгија, Австрија, Литванија, Полска, Австралија, Ерменија и Словенија.

Кои беа најинтересните моменти од второто полуфинале на Евровизија 2023?

Водителките и овојпат беа одлични и го украдоа шоуто на изведувачите. Со доза хумор, насмевки и гримаси, но и добро смислени дијалози, тие ја засмеваа публиката во салата, а и оние што ги гледаа на телевизија.

Па така, кога во салата прошетаа пејачите од групата Scoosh, кои ја претставуваа Велика Британија на Евровизија 2007 година и делеа ливчиња за гласање, водителката Алеша Диксон ги погледна зачудено:

„Дечки, вратете се во 2007-ма, денес користиме апликации за гласање, ТикТок, Инстаграм и Твитер“, рече таа.

Водителката Хана Вадингам го претстави најпознатиот британски комичар, Греам Нортон, кој ќе биде водител заедно со трите дами на финалето на 13 мај.

Тој откри дека повеќе од 20 години коментира Евровизија на BBC, па кога Хана го праша која е тајната, тој ѝ одговори:

„Да останеш трезен“.

Меѓу пејачите во „зелената соба“ се прошета и Прасето Пепа, додека водителката од Украина, Јулија Санина, го гледаше збунето.

„Нема да сфатиш за што станува збор“ - ѝ кажаа на Алиша, која е третата водителка на годинешното шоу.

Во публиката седеа и претставниците на Исланд од 2021 година и додека траеше преносот, не престануваа да прават гримаси и да се забавуваат.

Продолжува на следната страница...