На 19 години зборува над 5 јазици, ќе го изгуби престолот ако добие брат: Која е Леонор, идната кралица на Шпанија?

Детали

среда, 29 октомври 2025

Постарата ќерка на кралот Фелипе и кралицата Летиција од Шпанија веќе активно се подготвува за иднината што ја чека. Моментално таа е наследничка на тронот и на 19-годишна возраст, веќе важи за модна икона, а се истакнува и со интелигенцијата.

Кралот Фелипе и кралицата Летиција од Шпанија имаат две ќерки – Софија, која е родена во 2007 година, и Леонор, која е родена во 2005 година.

Принцезата Леонор е таа што најверојатно ќе го наследи тронот на татко ѝ и веќе се подготвува за својата улога.

За разлика од британската монархија, во шпанската предност имаат машките деца.

Па, доколку кралот и кралицата добијат син, тој ќе го наследи тронот, без разлика што принцезата Леонор е помала од него.

Но, Фелипе и Летиција веќе ја подготвуваат нивната 19-годишна ќерка за титулата, па веројатно не им е во план да добијат уште едно дете.

Што знаеме за убавата девојка која во иднина ќе биде кралица на Шпанија?

Леонор е родена на 31-ви октомври во 2005 година, во период кога нејзиниот татко уште беше само принц.

Тогаш на тронот седеше неговиот татко – кралот Хуан Карлос Први.

Уште на денот на нејзиното раѓање, Фелипе и Летиција ја претставија малата принцеза пред светот, а околу два месеца подоцна, ѝ направија крштевка.

На 29-ти април 2007 година, Леонор доби и сестричка – Софија.

Овој период, Леонор почна да оди во училиште – заврши основно во Мадрид, а потоа средно во Велика Британија, поточно во Велс.

Од 2023 година, Леонор е запишана на воена академија и треба да дипломира следната година.

Покрај тоа што се фокусира на образованието, Леонор редовно ги придржува нејзините родители на официјални настани.

Првпат се појави на ваков настан на 9-годишна возраст, еден месец пред нејзиниот дедо да абдицира и да му го предаде тронот на кралот Фелипе.

На само 13-годишна возраст, Леонор го одржа и својот прв говор, додека во 2021-ва првпат сама се појави на настан, како претставник на кралското семејство.

Младата принцеза веќе важи за модна икона, а се истакнува и со својата интелигенција. Зборува неколку јазици, вклучувајќи шпански, англиски и арапски.

Некои извори тврдат дека може да зборува на дури десет јазици, но ова не е потврдено.

Што се однесува до нејзиниот љубовен живот, јавноста не знае многу.

Ја поврзуваа со шпанскиот фудбалер Гави, но поверојатно е дека ова се само шпекулации.

Претходно имаше гласини дека била во врска со поранешен соученик, но извори блиски до кралското семејство тврдат дека биле само пријатели.

Повеќе фотки од убавата принцеза на следната страница...