Кортни Кардашијан откри зошто не ја поднесува Ким: „Алчна е и бесчувствителна, поважни ѝ се парите од мене“

Детали

недела, 18 јуни 2023

„Ја искористи мојата свадба за преговори, таа во сѐ гледа знакче за долари. Мошне е амбициозна и бесчувствителна“ – Кортни Кардашијан со овие зборови ја опиша својата сестра Ким и откри зошто односите меѓу нив дополнително се влошени.

Сите знаат дека сестрите Ким и Кортни Кардашијан се во лоши односи, а кавгите ескалираа во 2020-та година кога тие две имаа физичка пресметка пред камерите во нивното реално шоу.

Иако, се обидуваат да делуваат обединето и повторно се појавуваат на сите важни семејни настани, се чини дека и сега, 3 години подоцна, односите меѓу двете сестри воопшто не се подобрени.

Во минатото имаше гласини дека двете сестри имале расправии минатото лето и ладно се одбегнувале за време на свадбата на Кортни во Италија, кога таа стапи во брак со тапанарот Тревис Баркер, а сега најстарата од сестрите Кардашијан, откри што навистина се случувало зад камерите.

Во најновата епизода на реалното шоу The Kardashians, Кортни раскажува дека не ѝ било сеедно кога дознала дека иако нејзината италијанска свадба била организирана со помош на брендот Dolce & Gabbana, Ким ја искористила можноста да оствари соработка со модниот гигант.

Имено, на свадбата Кортни носеше венчаница дизајнирана од Dolce & Gabbana, а само неколку месеци подоцна Ким беше избрана да биде креативен директор на шоуто на брендот во Милано, каде беа презентирани најпознатите парчиња на модниот гигант во периодот од 1987-ма до 2007-ма година.

За време на овој проект, Ким доби пристап во нивните архиви од 90-тите и 2000-тите години.

Кортни признава дека била мошне лута и разочарана од однесувањето на нејзината сестра.

„Воопшто не ми е важно за бизнисот. За време на мојата свадба Ким имаше разговори со Dolce & Gabbana за кои јас воопшто не знаев. Таа само ми се јави и ми рече дека остварила соработка меѓу SKIMS и Dolce & Gabbana, само колку да знам“ – вели Кортни.

Продолжува на следната страница...