Кортни Кардашијан откри зошто не ја поднесува Ким: „Алчна е и бесчувствителна, поважни ѝ се парите од мене“

Најстарата од сестрите Кардашијан признава дека се чувствува повредено затоа што Ким воопшто не била среќна на нејзината свадба и се обидела да ѝ ги украде сите идеи.

Како што вели, Ким има толку многу понуди за соработка, па може да избере која било од нив, но ја избрала токму онаа со која знаела дека ќе ги повреди чувствата на нејзината сестра.

„Се чувствувам како да виде сѐ што имав јас на свадбата и го присвои. Таа во сѐ гледа знакче за долар, а мене ме боли што таа беше на свадбата, но не беше среќна, сите пријатели ми рекоа дека Ким ‘се губи’“ – додава Кортни.

Прочитајте и „Двете се здружија и ми се нафрлија“ – Дали Ким и Клои се љубоморни на Кортни за бракот со Тревис?

Кортни конечно откри која е главната причина заради која двете сестри постојано се во расправии. Според неа, проблемот е во комуникацијата, затоа што мајка ѝ Крис Џенер никогаш не ѝ кажува што прават зад нејзин грб.

„Мајка ми ниту еднаш не ми спомна за соработката и се чувствува дека мисли дека Ким нема потреба воопшто да побара дозвола од мене.

Ако јас ѝ го направев истото на Ким таа ќе полудеше, а за мене ова е личен напад. Затоа бев повредена“ – вели таа и додава дека според неа Ким требало да почека да помине подолго време па да ѝ ја „украде“ соработката.

Најстарата од сестрите Кардашијан не штеди на зборови за нејзината помала сестра Ким, па вели дека сега има добра причина зошто сака да се држи на дистанца од неа.

„Сметам дека таа е мошне амбициозна и не знае што ѝ е мотивацијата. Кога не знаеш што ти е мотивација во животот, стануваш бесчувствителен. Зошто го правиш тоа што го правиш?

Но, тоа не е мој живот, реагирам само кога сум засегната, во спротивно воопшто не ми е грижа што прави сѐ додека е среќна“ – вели таа.

Инаку, познато е дека двете сестри долги години не се во добри односи, а Кортни неколку години наназад планира да се откаже од реалното шоу и да се посвети на сопствениот живот со тапанарот Тревис Баркер и децата што ги доби од врската со Скот Дисик.

Доволно е само да ги погледнете нивните објави на Инстаграм и ќе сфатите дека двете сестри не се поднесуваат, но се обидуваат барем површно да изгледа дека семејството е обединето.

Б. С. Б. | Црнобело