Машин Ган Кели му удри бокс на фан по негово барање, додека се обидува да ја спаси врската со Меган Фокс (видео)

Детали

четврток, 06 јули 2023

На неодамнешен концерт, фан побара од Машин Ган Кели да го удри на лицето, а пејачот го послуша и објави видео од бизарниот момент. Во меѓувреме, пејачот пробува да ја спаси врската со Меган Фокс и наводно одат на брачен советник.

На 1-ви јули годинава, Машин Ган Кели одржа концерт во Белгија, а на барање на негов фан, му удри бокс на лицето.

Бизарниот миг е овековечен и на видео.

Обожавателот на пејачот стоеше во првиот ред и држеше транспарент со натпис:

„Само што дојдов од Мексико за да ме удриш по лицето“.

Машин Ган Кели го забележа натписот и го праша обожавателот зошто сака да го удри. На ова, тој само одговори со „Те сакам“.

На видеото се гледа дека Машин Ган Кели се двоуми и му рече дека носел прстени, што значи ударот ќе бил болен.

На крај, пејачот сепак го удри момчето на лицето, а видеото од моментот си го објави и на Инстаграм со опис:

„Остварувам соништа“.

Удреното момче остави долг коментар на објавата, заблагодарувајќи му се на пејачот што го удрил.

„Ти благодарам што ми го оствари сонот. Чекав толку долго да те видам и уште не ми се верува дека се случи ова.

Не е некаков фетиш (го видов и тоа во коментари)…

Изминативе неколку дена беа навистина тешки за мене и ми го разубави денот кога ме забележа во публиката и со тоа што беше многу грижлив за сè“.

Останатите инстаграмџии истакнуваат дека целата ситуација е чудна, но сметаат дека штом фанот го сакал ова, не би требало да им пречи на другите.

Некои, пак, се шегуваат дека сега момчето ќе го тужи пејачот за да заработи голема сума пари.

Во меѓувреме, Машин Ган Кели пробува да ја спаси врската со Меган Фокс. Според изворите, тие се заедно и посетуваат брачен советник. Последен пат беа забележани заедно на крајот од мај.

Во јуни, пак, Меган беше забележана во публиката на концерт на свршеникот.

На Инстаграм профилот на Меган нема ниту една фотка со Машин Ган Кели. Всушност, таа ги избриша повеќето објави од профилот.

И Машин Ган Кели има избришано голем дел од фотките со Меган.

Откако почнаа проблемите во врската, парот се нема огласено за ситуацијата.

Спирова С. | Црнобело