Кејти Холмс се разголе и гордо ги покажа стриите на стомакот - бившата на Том Круз фит на 44 години

Детали

среда, 26 јули 2023

„Кога ѕвезда како Кејти ќе покаже дека е океј да имаш стрии, тогаш ни другите жени не треба да се срамат од своите несовршености“, велат фановите на Кејти Холмс, откако актерката беше фотографирана додека шета во Њујорк и гордо ги носи стриите на стомакот.

Поранешната сопруга на Том Круз, Кејти Холмс, на 44 години е во топ форма и не ги крие стриите на стомакот.

Таа се прошета низ улиците на Њујорк во широки зелени тренерки комбинирани со црн кроп-топ. Актерката го дополни спортскиот изглед со интересни очила за сонце и златен накит, па не помина незабележана.

Новиот имиџ на Холмс изненади многумина, бидејќи актерката секогаш е покриена од глава до пети и не се разголува во јавноста.

И кога е на јавни настани, но и кога ја фотографирале папараци, Кејти секогаш била умерена во стилот и не го покажувала телото.

Овојпат, нејзините стрии привлекоа големо внимание. На социјалните мрежи велат дека е за поздрав тоа што решила да не ги крие стриите иако знае дека папараци ја следат на секој чекор.

„Ова е само уште еден доказ колку е нормална и не е залудена од Холивуд“,

„Кога ѕвезда како Кејти ќе покаже дека е океј да имаш стрии, тогаш ни другите жени не треба да се срамат од своите несовршености“, се дел од коментарите.

Кејти, која се прослави со серијата Dawson Creek, стекна светска популарност кога во 2006-та година се омажи со Том Круз. Парот се разведе во 2012 година, и ја има ќерката Сури.

По разводот од Круз се шпекулираше дека Кејти е во љубовна врска со актерот Џејми Фокс, но дека морале да се кријат поради предбрачниот договор на Холмс.

Во него, наводно, стоело дека 5 години по разводот таа не смее да се појави во јавноста со нов партнер. Брзо откако открија дека сепак се заедно, Кејти и Џејми раскинаа.

По ова, актерката беше во љубов со готвачот Емилио Витоло, но и со него раскина и во моментов е сингл.

А. Ј. | Црнобело