Го уценувала дека мора да имаат деца, сега бара стотици илјади долари месечна алиментација – Детали за разводот на Кевин Костнер

Актерот 6 години се двоумел дали сака да преземе нов сериозен чекор, па ја побарал за жена и одлучил дека сака да добие уште деца, откако таа му поставила ултиматум и тој одлучил дека нема да ја загуби затоа што се плаши.

Во 2007-ма година парот го доби синот Кејден (15), по што го добија и синот Хејес (14) и ќерката Грејс (12).

Се чинеше дека нивната врска е мошне цврста и тие двајца важеа за еден од најскладните парови, сè до мај годинава, кога портпаролот на Кевин Костнер потврди дека сопругата на актерот побарала барање за развод.

Според извори блиски до парот, на Кристин ѝ пречело тоа што актерот постојано е отсутен додека работи на филмовите, а таа останувала сама со децата дома.

Поранешната дизајнерка бараше месечна алиментација во износ од речиси 250.000 долари и актерот да продолжи да ги плаќа трошоците за образованието на децата и здравственото осигурување.

Кевин одби да плати толку висока алиментација, а потоа бараше судот веднаш да ѝ нареди на неговата поранешна сопруга да се отсели од семејниот дом, иако таа одбиваше да си замине.

За време на нивниот развод, во таблоидите беа објавени повеќе документи за тоа како се одвивала разделбата, а судот точно утврдил што смее, а што не смее да земе од домот кога си одела.

„На Кристин ѝ е дозволено да си ги земе средствата за хигиена, облеката, чантите и накитот, но не смее да земе мебел, апарати и уметнички дела“ – стои во еден од документите.

Веќе неколку месеци Кевин и Кристин водат вистинска битка во судницата.

Таа се обидува да го оспори предбрачниот договор така што го обвинува актерот дека криел дел од финансиите, потоа го обвини и за афери, а нејзиниот говор за тоа зошто ѝ треба толку висока алиментација привлече огромно внимание.

Таа рече дека луксузниот начин на живот е во ДНК-та на нејзините деца и дека тие не знаат како да живеат поинаку.

Б. С. Б. | Црнобело