Шарлиз Терон на модна ревија со ќерка ѝ, која е родена како момче - Џексон (11) носи здолниште, има долги плетенки

Детали

среда, 27 септември 2023

Шарлиз Терон ретко ги покажува децата во јавност, па беше вистинско освежување кога се појави на модна ревија во Париз со ќерката Џексон. Во 2019-та, Шарлиз откри дека Џексон, која е родена како момче, ѝ рекла дека не се чувствува како машко и оттогаш актерката ја расте како ќерка.

Уште во 2019 година, Шарлиз Терон откри дека едното од нејзините деца, кое е родено како момче, е всушснот трансродова личност.

Актерката има две посвоени деца - Џексон (11) и Август (8).

Со години, Џексон се појавуваше во јавност со фустанчиња, по што актерката одлучи да открие дека е трансродово лице.

Односно, иако е родена како момче, се чувствува како девојче, а Шарлиз ја поддржува во ова.

Актерката вели и дека Џексон е исто девојче, колку и нејзината сестра Август.

„Да, и јас мислев дека е момче. Сè додека не ме погледна во очи кога имаше три години и ми рече ’Јас не сум момче!‘

Па, ете! Имам две прекрасни ќерки кои, како секој родител, сакам да ги заштитам и да ги гледам како успеваат. Тие се родени такви какви што се, треба да се пронајдат како што растат и да откријат што сакаат да бидат.

Тоа не е мое да одлучувам. Мојата задача како родител е да ги славам и да ги сакам и да се осигурам дека ќе имаат сè што им треба за да го постигнат она што го сакаат“, изјави актерката за Daily Mail во 2019-та.

Шарлиз ретко се појавува во јавност со ќерките, па беше вистинско освежување кога беше забележана со Џексон на модна ревија во Париз.

Актерката и 11-годишната Џексон беа на ревија на Dior и изгледаа совршено.

Џексон носеше карирани здолниште и кошула, додека Шарлиз се појави со бела кошула и златно, мрежесто здолниште.

Мајката и ќерката седеа во првиот ред.

Двете ќерки на Шарлиз Терон се посвоени, а во 2018-та таа откри зошто се одлучува за посвојување:

„Не гледам разлика во тоа да се грижам за биолошко или посвоено дете. Посвојувањето отсекогаш било мојот прв избор“.

Шарлиз ја посвои Џексон во 2012-та, а Август во 2015 година.

Прочитајте и: Синот ѝ се облекува во фустани, ја нарекуваат лоша мајка: 12 факти за Шарлиз Терон како родител

Спирова С. | Црнобело