Мајка му била зависничка, на 14 години забременил девојка – Свршеникот на Адел за првпат раскажува детали од своето детство

Како што раскажува, неговото детство го научило постојано да се сомнева во сите. А и денес, како спортски менаџер кој има над 120 милиони долари на сметката и живее во палата со Адел, тој сѐ уште се стресува кога има бучава околу него или ако слушне истрели од пиштол.

Рич се присетува на еден период кога мајка му постојано барала пари од татко му за да купи дрога, па тој на крај ѝ ги дал.

„Кога ќе ја видиш мајка ти како си заминува така што посилно ги стиска парите во рацете, отколку што некогаш те држела тебе, станува тешко да веруваш кому било потоа“ – вели тој.

По смртта на неговиот татко во 2000-та година, работите само ќе станат уште полоши, па Пол ќе почне да продава опојни супстанции затоа што верувал дека треба да биде поголем маж.

Се откажал од колеџ и почнал да живее на улиците. Благодарение на брзите пари, почнал да патува низ повеќе градови во САД за да ги следи сите натпревари на НБА.

Но, додека живеел на улица, тој имал еден мошне критичен проблем кога го ограбиле и му зеле 300.000 долари и скап часовник.

По ова, тој нашол начин како да наоѓа евтини дресови, па потоа ги носел во други делови од САД за да ги препродаде и бил изненаден колку многу пари заработил.

„Тие дресови се продаваа подобро од дрога“ – вели тој и додава дека заработувал 15.000 долари месечно само од тој бизнис.

Книгата завршува во моментот во 2001-ва година кога тој сосема случајно ќе го запознае Леброн Џејмс, кој потоа целосно ќе му го промени животот.

Прочитајте и Продавал дресови и купил куќа на 19 години, а денес има милиони - Кој е Рич Пол, новиот дечко на Адел, според гласините?

Б. С. Б. | Црнобело