Страда од ретка болест за која нема лек, 16-годишната внука ѝ починала во раце: Трагични детали од животот на Селин Дион

И сестра ѝ претрпела многу трагедии

2016-та дефинитивно била ужасна година за Селин.

Покрај смртта на брат ѝ и сопругот, истата година сопругот на сестра ѝ бил дијагностициран со рак кој се проширил на белите дробови, мозокот и коските.

Во 1993-та, пак, сестра ѝ ја изгубила ќерка ѝ на само 16-годишна возраст.

Девојчето имало цистична фиброза, а Селин откри дека починала во нејзините раце.

„Почнав да ѝ пеам тивко и одеднаш нејзините очи се затворија… Една солза потече на нејзиното лице и си замина“, откри пејачката.

По трагичната смрт на внуката, Селин почна да се залага за зголемување на свеста за болеста.

Имала здравствени проблеми кои ѝ влијаеле врз гласот

Несомнено, Селин Дион важи за еден од најдобрите вокали на сите времиња.

Но, во 2012-та имала проблем со гласните живи, поради што откажа неколку концерти.

Проблемите биле предизвикани од инфекција, а пејачката откри дека воопшто не можела да го контролира нејзиниот глас.

Состојбата ѝ се подобрила, но во 2018-та повторно откажа концерти поради сличен проблем.

Со години се бореше со неплодност

Селин има три сина кои ги доби со сопругот Рене. Но, навистина се измачила додека да стане мајка.

Пејачката и Рене се обидувале да добијат дете цели шест години, пред да се одлучат за асистирано оплодување.

Во 2001-ва, тие конечно станаа родители, но потоа повторно се мачеле со неплодност.

Во 2009-та, пејачката доживеала и спонтан абортус.

По ова и по шест обиди за асистирано оплодување, пејачката забремени и доби близнаци.

Има ретка болест

Кон крајот на 2022-ра, Селин откри дека е дијагностицирана со ретка болест, позната како „синдром на здрвена личност“.

Во емотивна објава, таа објасни дека станува збор за невролошко нарушување кое се јавува кај една во милион личности.

Нарушувањето предизвикува сериозни грчеви на мускулите, но и вкочанетост, а со текот на времето може да се изгуби и способноста за движење.

„За жал, грчевите имаат влијание врз целото мое секојдневие, некогаш ми е тешко да одам и не можам да го користам гласот како порано“, изјави пејачката.

Нејзината сестра, пак, откри дека иако нема лек за болеста, сакаат да бидат оптимисти дека симптомите нема да се влошат брзо.

Спирова С. | Црнобело