Метју Пери објавувал чудни фотки на Инстаграм – фановите мислат дека си ја предвидел смртта + нови детали за трагедијата

Детали

понеделник, 30 октомври 2023

Официјалната причина за смртта на Метју Пери сè уште не е откриена, но неговите фанови се сигурни дека преку чудните Инстаграм објави од изминатиов месец, тој или суптилно барал помош, или самиот си ја предвидел смртта.

Ненадејната смрт на Метју Пери ја шокираше јавноста, најмногу бидејќи изгледаше како актерот конечно да си го подобрил животот.

Пред околу една година, тој издаде мемоари во кои детално зборуваше за битката со зависност од лекови и алкохол и се чинеше дека го оставил мрачниот период од животот зад себе.

54-годишниот актер беше пронајден мртов во неговото џакузи и иако според првичните информации немало знаци дека користел дрога или алкохол, според новите изјави од полицијата во Лос Анџелес, во неговиот дом сепак имало многу лекови, од кои повеќето се издаваат само со рецепт.

Изворите од полицијата тврдат дека во неговиот дом имало силни лекови против болка и анксиозност, поради што била нарачана обдукција за да се утврди дали актерот зел нешто непосредно пред смртта.

Иако на почетокот пријател на актерот изјави дека последен пат кога се слушнале му звучел добро и бил трезен, друг близок пријател сега тврди дека кратко пред да почине, Метју изгледал многу уморно.

Имено, актерот секој викенд одел да игра pickleball – игра која е комбинација од тенис и пинг-понг. Тој ја играл играта во клуб во близина на неговиот дом и иако неретко одел и по двапати дневно, во неделата, пред трагичната смрт, си заминал од клубот многу рано.

Според партнерот кој играл со него, актерот се пожалил дека е многу уморен и останал во клубот едвај еден час.

Можеби најморничав детаљ во целата ситуација се објавите на Метју во неколкуте дена пред смртта. Неколку месеци тој воопшто не објавуваше ништо, но во октомври сподели неколку необични фотки и видеа.

Пред околу една недела, актерот сподели фотка на која седи во џакузито во коешто беше пронајден мртов.

Претходните неколку објави, пак, се чудни фотки и видеа, а на описите во дел од нив, Метју се споредува себеси со Бетмен.

Продолжува на следната страница...