Посветен татко или бизарен потег? Го истетовирал ликот на Тејлор Свифт на задникот за ќерка му да добие гратиси за концерт

Детали

вторник, 31 октомври 2023

„Го фатив додека беше полузаспан и го убедив да направи огромна тетоважа со ликот на Тејлор Свифт на задникот“ – Австралијка раскажува како „го наседнала“ сопругот, тој да влезе во трката за бесплатни билети за концертот на Тејлор Свифт за нивната 12-годишна ќерка.

Нема граници на тоа што сѐ се подготвени да направат родителите за нивните деца да бидат среќни, а последниот пример доаѓа од Австралија, кога еден татко одлучил да го истетовира ликот на Тејлор Свифт на задникот за неговата ќерка да влезе во трката за бесплатен билет на нејзиниот концерт.

Лук Портер од Аделаида, Австралија влезе во трката да ја освои титулата „Родител на ерата“, за да успее да освои бесплатен билет за концертот на  Тејлор Свифт и да ѝ ја исполни желбата на неговата 12-годишна ќерка, Џема, која е голем обожавател на пејачката.

Едно радиско шоу во Австралија објавило интересен конкурс со кое ги предизвика родителите на децата да ја докажат својата љубов кон нив, а наградите биле бесплатни билети, сместување и два златни билети за концертот на Тејлор Свифт во Сиднеј.

Сопругата на Лук, Рејчел смислила лукав план за тоа како нејзиниот сопруг да успее да ја освои наградата и да ѝ ја исполни желбата на нејзината ќерка да има можност да ја види Тејлор во живо.

Така, Лук сега доби тетоважа не само со ликот на Тејлор, туку и со нејзиниот најнов дечко Тревис Келце и влезе во потесниот избор за избор на „родител на ерата“.

„Си помислив дека ќе го номинирам мојот сопруг да направи тетоважа од Тејлор Свифт на задникот. Го прашав додека беше полузаспан и се согласи. Па, еве, сопругот сега ќе добие тетоважа и ова секогаш ќе биде интересна приказна, особено ако Тејлор и Тревис раскинат“ – вели таа во изјава за медиумите.

Инаку, Тејлор Свифт важи за една од најпопуларните пејачки во Автралија, па младите со нетрпение ги очекуваат нејзините три концерти што ќе се одржат во Сиднеј во февруари во 2024-та година.

Б. С. Б. | Црнобело