Поранешна асистентка го тужи Роберт де Ниро – Ја терал да влегува во тоалетот со него, ѝ се јавувал додека уринирал

Адвокатот на асистентката изјавил дека додека Робинсон била на погреб кај член од семејството, актерот упорно ѝ ѕвонел, и тоа за бизарна причина – да му купи автобуски билет на неговиот син.

Актерот не го негирал ова, но изјавил дека не бил свесен дека Робинсон е на погреб.

Можеби најбизарно е обвинувањето дека актерот ја викнал асистентката да му го исчеша грбот додека тој седел на тоалетната школка.

Робинсон не сакала бидејќи не ѝ било пријатно, но актерот ѝ рекол дека му се допаѓало кога таа му го чеша грбот.

Роберт де Ниро не го негирал ни ова, изјавувајќи:

„Ме фати! Ништо не направив со непочитување. Срам да ти е Робинсон!“

Во судницата се дискутирало и за гласините дека актерот и асистентката имале афера.

Додека и двајцата го негираат ова, девојката на актерот се сомневала, па и таа ја напаѓала и навредувала Робинсон.

Сепак, во својата тужба, асистентката тврди дека актерот понекогаш ја допирал, ѝ дофрлал коментари од сексуална природа и ја дискриминирал.

Односно, ѝ давал „женски обврски“ бидејќи е жена, и тоа дури и кога била унапредена и воопшто не требала да се грижи за ситници како хигиената на актерот.

Наводно, тој ја терал да му ја дипли долната облека, да му ја пере постелнината, да ја поставува масата за тој да јаде…

Исто така, актерот многупати ја нарекувал к***а, разгалено детиште и, генерално, ја понижувал со секакви навреди.

На ова, актерот изјавил дека некогаш бил гневен и ја навредувал, но дека тоа не било малтретирање. Туку, тој само бил разочаран од неа.

Робинсон тврди и дека добивала пониска плата од предвидената бидејќи е жена.

Актерот, пак, не сакал да ѝ напише препорака бидејќи наводно таа крадела од него. Поради ова, кога си дала отказ од кај него, не можела да најде работа и со тоа си ја уништила репутацијата, но и кариерата.

Актерот стои на својот став дека обвиненијата на асистентката се бесмислици и вели дека само сакал да го добие она што таа го украла од него.

Спирова С. | Црнобело