Мрачната страна на Џим Кери: Го обвинуваа за самоубиството на девојка му, ѝ ја избричи главата на обожавателка

Ја бакна Алисија Силверстоун без нејзина дозвола

Во 1990-тите, Алисија Силверстоун беше една од најпознатите актерки. На доделувањето на MTV Movie Awards во 1997-ма, кога актерот имаше 35, а Алисија само 20 години, тој присилно ја бакна.

Алисија ја доделуваше наградата за најдобра изведба во комедија што ја освои Кери. Па, кога се качи на сцената, ја бакна актерката во уста, а таа пробуваше да го оттргне.

Во видеото од настанот е очигледно колку ѝ е непријатно, а наводно, подоцна актерот ѝ се извинил.

На истиот настан, Кери проба да го бакне и Вил Смит.

Ѝ ја избричи главата на обожавателка на ток-шоу

Во 2014 година, во шоуто на Џими Кимел, водителот организира „игра“ во која на неколку луѓе од публиката, Џим Кери им правеше фризури како од филмот Dumb and Dumber.

На сцената се качи обожавателка на актерот, но наместо да ѝ ја потстриже косата како во филмот, тој ѝ ја избричи главата, изјавувајќи:

„Ова ја симболизира контролата што ја имам над умот на моите фанови“.

Актерот беше критикуван дека претерал, особено бидејќи изгледало како жената да е тажна, а наводно и самиот Џими Кимел бил шокиран од инцидентот.

Првата сопруга го обвини за неверство

Џим Кери и првата сопруга, Мелиса Вомер, се венчаа во 1987 година.

Додека траеше разводот во 1995-та, Мелиса изјави дека Кери имал афера со нејзина колешка.

Исто така, таа го обвини дека ја запоставувал нивната ќерка.

Јавно ги оцрнуваше родителите

Актерот пораснал во сиромаштија, а според изјавите низ годините, веројатно чувствува презир кон мајка му поради ова.

Во интервју за Rolling Stone, тој откри дека од 19-годишна возраст финансиски ги издржувал родителите и се пожали дека ќе ги оставел да му ги трошат парите додека да банкротира.

По некое време, решил да ги исели од неговиот дом:

„Повеќе не бев трпелив, морав да ги вратам во Канада. Имав лоши соништа – сонував како ја убивам мајка ми“.

Ги навредува колешките кои се многу помлади од него

Во 2020 година, во шоуто на Греам Нортон, Џим Кери ја навреди Марго Роби.

Покрај флертувањето со неа, тој се шегуваше дека Марго не се прославила поради талентот, туку само бидејќи била убава и секси.

Во 2011-та, пак, ја навредил Ема Стоун која е 26 години помала од него.

Имено, актерот ѝ рекол дека ако била постара, ќе се венчал со неа за да имаат „дебели деца со пеги“.

Актерот беше критикуван за ова, по што изјави дека претерал, но дека го мислел секој збор што го кажал.

Спирова С. | Црнобело