Тажниот живот на најстариот син на Силвестер Сталоне: Почина на 36 години, бил зависен од лекови

Детали

сабота, 18 ноември 2023

Најстариот син на Силвестер Сталоне – Сејџ – почина во 2012-та, на само 36-годишна возраст. Тој период се појавија гласини дека неколку дена бил мртов пред да го најдат, како и дека извршил самоубиство. Гласините се покажаа како погрешни, а Сејџ умрел од инфаркт поради проблем со срцето каков што имаат и другите деца на актерот.

Силвестер Сталоне има пет деца. Од првиот брак доби два сина, а од вториот – три ќерки.

Но, во 2012-та, актерот го изгуби најстариот син – Сејџ Сталоне – кој почина од инфаркт на само 36-годишна возраст.

Сталоне речиси и да не зборува за трагичниот настан, но неодамна, во нов документарец – Sly – реши да се отвори.

Во петтото продолжение на популарниот филмски серијал Rocky, синот на актерот го глуми синот на главниот лик Роки Балбоа.

Дејството на филмот се фокусира на проблематичниот однос на Роки и син му, а сега актерот откри дека црпел инспирација од неговиот однос со Сејџ.

„Пробав да искористам нешто што посакував да го направам во реалниот живот, но не успеав… Многу детали од филмот се вистина.

За жал, некогаш ставате некои други работи пред семејството. И, последиците се ужасни“..

Во продолжение, неколку детали од тажниот живот на Сејџ Сталоне:

Имал тешко детство

Неретко, децата на познатите личности страдаат од целото внимание што го добиваат.

Во ваква ситуација се наоѓал и Сејџ.

Генерално, тој го поминал детството со неговата мајка бидејќи актерот и сопругата се разведоа, но и бидејќи Сталоне беше огромна филмска ѕвезда со натрупан распоред.

Истовремено, Сејџ се соочувал и со друг проблем – на училиште го малтретирале и исмејувале бидејќи не бил „силен како неговиот татко“.

Во интервју од 1996-та, и самиот сподели детали од училишните денови:

„Бев мирно дете, а на училиште најчесто имаше деца кои ме предизвикуваа на тепачка, ми викаа Рамбо и Роки“.

Поради сето ова, Сејџ станал мошне повлечена личност и имал мал број блиски пријатели.

Имал комплициран однос со татко му

Според близок пријател на Сејџ, тој го сакал, но и го мразел татко му.

„Најпрво ќе го пофалеше, а неколку минути подоцна ќе видеше фотографија во некое списание и ќе речеше: ’Гледај ги тетоважите што си ги става на 66 години. Што ли мисли?‘

Мислам дека имаше период по разводот на неговите родители кога се оддалечија. Како дете, имаше тешкотии со татко му. Самиот кажуваше дека минувал малку време со него“.

И самиот Силвестер Сталоне неколкупати има изјавено дека посакува да бил подобар татко.

„Најмногу жалам за тоа. Имам слушнато како луѓето велат ’Посакувам да покажев повеќе љубов‘ или ’Посакувам да минував повеќе време со него‘ и јас сум таков“.

Продолжува на следната страница...