Признанието за неверство на Дејвид Бекам, спуштените пантолони на Канје – Настани во шоу бизнисот што ја одбележаа 2023

Детали

вторник, 12 декември 2023

Двете бебиња на Парис Хилтон, разделбата на Меган Фокс и Машин Ган Кели, непланираното бебе на Кортни Кардашијан и Тревис Баркер... Додека ги одбројуваме последните денови од 2023, да се потсетиме на шоу бизнис настаните што ја одбележаа годината.

Изминатата 2023-та година беше исполнета со голем број случувања во шоу бизнисот. Иако имаше еден подолг период кога актерите во Холивуд штрајкуваа, па немаше премногу возбудливи настани на црвениот тепих, ѕвездите не потфрлија благодарение на нивните случувања на приватен план.

Документарецот на Дејвид Бекам и биографската книга на Бритни Спирс беа топ теми во текот на годината, а дополнително имаше и повеќе други настани што успеаја да го привлечат вниманието на публиката од целиот свет.

Кои настани ја одбележаа 2023-та?

Канје Вест во тајност се ожени со Бјанка Сенсори

По разводот со Ким Кардашијан, Канје постојано се шеташе со различни девојки и многумина останаа збунети кога дознаа дека тој се оженил само два месеца подоцна, и тоа со девојка што премногу наликува на неговата бивша сопруга.

 

Меган Фокс накратко се раздели од Машин Ган Кели

Ако 2021-ва и 2022-ра беа годините кога Меган Фокс и Машин Ган Кели беа еден од најпопуларните парови, оваа 2023-та за нив почна неславно.

Во февруари актерката ги избриша сите фотографии од нејзиниот Инстаграм профил и објави само една фотка со која остави цитат од Бијонсе за кој сите коментираа дека алудира на неверство и раскинување.

Постоеја дури и гласини дека се знае и девојката со која музичарот ја изневерил Меган, за потоа тие двајца да успеат да се смират, но на настаните да се појавуваат во мошне посмирени и попристојни изданија од претходно.

Неодамна Меган призна дека имала спонтан абортус и дека го изгубила бебето на Машин Ган Кели, а тоа особено ја погодило.

Кортни среде концерт објави дека е бремена, па имаше трауматична операција на бебето во стомакот

Кортни Кардашијан и Тревис Баркер оваа година беа пресреќни откако станаа родители на синот Роки 13 Баркер.

Познато е дека тие двајца претходно одлучија да се откажат од постапките за ин витро оплодување и се препуштија на случајноста, по што Кортни среде концерт објави дека очекуваат бебе.

Кортни во публиката носеше транспарент на кој пишуваше: „Тревис бремена сум“, а речиси никој не веруваше дека со толкав стомак тапанарот не знаел дека неговата сопруга е во блажена состојба.

По ова, имаа застрашувачки моменти кога мораше итно да му се направи операција на бебето, а познато е дека Кортни и Тревис по породувањето не дозволиле никому да го види нивното бебе, па дури ниту на членовите на нивното потесно семејство.

Обвиненијата за силување на Пи Диди

2023-та година донесе големи главоболки и за раперот Пи Диди. Неговата поранешна девојка Каси го обвини дека 10 години физички, психички и сексуално ја злоупотребувал, па дури и ја терал да има секс со други машки проститутки со цел да ги задоволи сопствените воајерски потреби.

Случајот беше решен во вонсудска постапка, а имаше гласини дека раперот ѝ платил на поранешната девојка неколку стотици милиони долари со цел таа да не објавува други детали од нивниот заеднички живот.

Бритни откри дека имала абортус додека беше во врска со Џастин Тимберлејк

Бритни Спирс ја објави својата книга „Woman in Me“ каде изнесе голем број детали што претходно не ѝ беа познати на јавноста.

Но, речиси сите останаа изненадени кога пејачката призна дека абортирала на 18-годишна возраст затоа што нејзиниот тогашен дечко Џастин Тимберлејк го побарал тоа од неа.

Продолжува на следната страница...