Бебето на Кортни Кардашијан ќе смеат да го видат само оние што добиле покана – Ким сѐ уште не е поканета

Детали

вторник, 14 ноември 2023

„Имам среќен живот и најсреќна сум кога ќе се оддалечам од вас“ – им порача Кортни Кардашијан на своите сестри непосредно пред породувањето, а сега воведе нови правила. Сестрите и мајка ѝ ќе смеат да го видат нејзиното новороденче дури откако ќе добијат покана.

Најстарата од сестрите Кардашијан, Кортни, неодамна се породи и на свет го донесе синот Роки 13, кој го доби заедно со сопругот Тревис Баркер, но очигледно парот планира да воведе нови правила.

Ако во минатото семејството Кардашијан беше познато дека целиот свој приватен живот го изнесува јавно, Кортни одлучи колку е можно подолго да го крие својот син од очите на јавноста.

Таа и Тревис досега не објавиле фотки од бебето, ниту пак споделиле какви било информации за неговото раѓање.

Но, очигледно, ова правило не се однесува само на пошироката јавност, туку и на семејството на Кортни.

Како што пишува US Sun, Кортни сѐ уште не им дозволила ниту на членовите на нејзиното семејство да го видат бебето, а сестрите и мајка ѝ Крис Џенер ќе можат да го видат дури откако ќе добијат покана.

„Кортни и Тревис се договорија дека ќе одвојат време само за потесното семејство и за Кортни да се одмори, а потоа ќе испратат покани до другите членови на семејството, и тоа еден по еден“ – пишува весникот.

Според извори блиски до парот, ниту Ким досега немала можност да го види внукот. Овој факт воопшто не зачудува, имајќи предвид дека сестрите имаат нарушени односи, а непосредно пред породувањето на Кортни, во дел од светските медиуми се појавија шпекулации дека таа и Ким се скарале заради Тревис.

Со оглед на тоа што Тревис во неговите мемоари од 2016-та година напишал дека смета дека Ким Кардашијан е „згодна“, на социјалните мрежи се појавија шпекулации дека двете сестри се во влошени односи заради тоа што Ким и Тревис имале афера во минатото.

Тревис ги отфрли ваквите пишувања, а во реалното шоу, сестрите октрија дека имале посебна група насловена „Без Кортни“, каде што се жалеле и ја озборувале најстарата сестра.

На ова, Кортни едноставно ѝ одговори на Ким:

„Имам среќен живот и најсреќна сум кога ќе се оддалечам од вас. Посебно од тебе!“

Прочитајте и Кортни Кардашијан откри зошто не ја поднесува Ким: „Алчна е и бесчувствителна, поважни ѝ се парите од мене“

Б. С. Б. | Црнобело