„Бебето ми паѓаше од вагината, се здебелив 27kg“ – Кајли Џенер откри непознати детали за бременоста

Детали

сабота, 16 мај 2026

„Многу нешта се случуваа со мојата вагина. Бев 3cm отворена околу два месеца. Бебето како да паѓаше. Докторот ми рече дека морам да останам во кревет. Имав и многу гадење, но морав да јадам нешто. Во втората бременост качив 27kg и се породив со 95kg“ - Кајли Џенер открива непознати детали за нејзините две бремености.

Кајли Џенер неодамна беше гостинка во ток-шоуто „Therapuss“, каде се отвори на повеќе теми, но зборуваше искрено и за своите две бремености.

Во разговорот, Кајли објаснува како втората бременост ѝ била многу потешка за разлика од првата.

Таа страдала од болки во грбот последните 3 ипол години, но болките се влошиле кога била бремена со синот Ер, а еден ден, во 12-та недела, се разбудила и не можела да оди.

„Имав силни болки од ишијас и болки во долниот дел од грбот. А бев во најдобра форма во животот пред таа бременост, па имав големи очекувања. Навистина сакав да успее“.

Ријалити ѕвездата откри дека кога била бремена со првото дете Сторми, качила 27kg и се породила со 90kg, а со Ер, имала 95kg бидејќи качила 65kg.

Кајли призна дека јадела многу и сакала сладолед секоја вечер, но дека исто така имала и гадење, па ако не каснела нешто, ѝ станувало многу лошо.

Но, освен за болките во грбот и тежината, Џенер откри и необични детали:

„Многу нешта се случуваа со мојата вагина. Бев 3cm отворена околу месец и пол – два месеца. Бебето како да паѓаше. Докторот ми рече дека морам да останам во кревет“.

Инаку, Кајли ја роди ќерката Сторми во февруари 2018, а синот Ер во февруари 2022, а двете деца ги доби со поранешниот партнер Тревис Скот.

Двајцата го делат старателството, а сега таа е во љубов со актерот Тимоти Шалеме.

М. М. | Црнобело