„Правеше забави со малолетнички – имаше по 60 девојки за 3-4 мажи“: Детали за обвиненијата против Џаред Лето

Детали

недела, 22 јуни 2025

Со години се шпекулира дека Џаред Лето е предатор кој ги злоупотребува своите млади обожавателки, додека многумина сметаат дека има основано и култ преку својот бенд. Што знаеме за најновите обвиненија против актерот?

Веста дека Џаред Лето преферира (многу) помлади девојки не е ништо ново и со години има шпекулации дека ги заведува, па и силува неговите обожавателки.

Актерот, кој е и фронтмен на бендот Thirty Seconds to Mars, неколкупати организираше настани каде собра бројни негови фанови и во бела облека, налик некој гуру, наводно им држел предава за духовно прочистување.

Фановите плаќале и до 6.000 долари за да можат да доаѓаат на овие собири, а поради фотките што актерот гордо ги споделуваше, многумина ги опишаа како култ.

Со ова, актерот дополнително ги разгоре шпекулациите дека заведува и малолетни девојки и дека собирите што ги организира имаат и мрачна страна.

Неодамна, пак, новинарка од Air Mail напиша колумна во која вклучува разговор со девет жени кои велат дека биле жртви на актерот.

Уште во 2005-та, кога Џаред почна да се прославува, некои извори тврдеа дека им пишувал пораки на девојки на возраст од 16 и 17 години. Тогаш актерот имаше 33 години.

„Тој оди во хотелот Maritime во Њујорк, каде што често има модели на тинејџерска возраст. И, постојано им пишува пораки. Некогаш делува и вознемирувачки“.

Сега, една од наводните жртви на актерот вели дека ова не се случувало еднаш или двапати, туку било норма за него.

Жената вели дека во 2006-та, кога имала 16 години, Џаред ѝ пришол во кафетерија во Лос Анџелес.

„Ме фати за раката и го здогледав. Поразговаравме накратко и ми го побара бројот. Неколку дена подоцна ми се јави, среде ноќ. Не знам дали беше пијан или под дејство на дрога, но имаше чуден, одвратен глас“, раскажува жената.

Имено, ѝ се јавил за да ја покани на забава што ја организирал во неговиот дом, но таа одбила. Џаред продолжил да ѝ пишува и по недела-две, почнал дури и да ѝ се додворува.

„Ми пишуваше и ми се јавуваше, секогаш по полноќ. И, одеднаш почна да ме прашува недолични работи, како дали сум имала дечко, дали некогаш сум имала орален секс. Гласот со кој зборуваше ме плашеше“.

Продолжува на следната страница...