Најубавото од Бредли Купер и Ирина Шајк: Малата Леа првпат се појави на црвен тепих со татко ѝ (фото)

Детали

среда, 13 декември 2023

Малата Леа за првпат позира со татко ѝ на црвениот тепих. Ќеркичката на Бредли Купер и Ирина Шајк успеа да го украде вниманието на црвениот тепих за време на премиерата на филмот Maestro, а најгорда од сите е нејзината мајка, која не ги крие пофалните зборови на Инстаграм.

Актерот Бредли Купер (48) на премиерата на својот најнов филм на Нетфликс, Maestro, се појави заедно со својата ќеркичка Леа Де Сен Шајк Купер (6). Таа беше фотографирана и со Лејди Гага, пејачката и актерка за која се ширеа гласини дека имала афера со татко ѝ, па дека е виновна и за раскинувањето на врската меѓу нејзините родители.

Малата убавица гордо позираше со својот татко, а мајка ѝ на Инстаграм сподели повеќе фотографии во кои не ги криеше пофалните зборови.

Ирина објави постер од филмот на кој Бредли е заедно со неговата колешка Кери Малиган и ќеркичката Леа, а во долниот дел од фотографијата напиша:

„Честитки... Се гордеам со вас тато и Леа“.

На премиерата Бредли беше насмеан и видно расположен додека за рака ја држеше својата ќерка и гордо позираше со неа. Девојчето носеше фустан со животински принт и златни балетанчиња, а целиот изглед го надополни со црвена чантичка.

Инаку, за потсетување, Бредли и Ирина ја добија ќеркичката Леа во 2017-та, односно 2 години пред да се разделат.

Сепак, тие успеаја да останат во пријателски односи и често може да бидат забележани како се шетаат заедно, а познато е дека одат заедно и на одмори.

Ирина во една пригода не штедеше на пофалните зборови за нејзиниот поранешен партнер и рече дека тој е прекрасен татко и родител:

„Тој е најдобриот татко за којшто јас и Леа можеме да сонуваме. Нашиот однос секогаш функционира, но само затоа што ние се трудиме тоа да биде така“ – изјави Ирина.

Од друга страна, Бредли не крие дека ќерката е најважната личност во неговиот живот. Па, во една пригода изјави:

„Секоја работа е засенета, или блеска со неверојатни бои заради фактот што имам можност да бидам татко на прекрасно човечко суштество“.

Погледнете повеќе фотографии од Бредли и Леа во галеријата:

• 
• 
• 
• 
• 
• 
• 
• 
• 
• 
•  

Прочитајте и Живее со неа, раскинува со девојките што не ѝ се допаѓаат – Докази дека Бредли Купер е „мамин син“

Б. С. Б. | Црнобело