Живее со неа, раскинува со девојките што не ѝ се допаѓаат – Докази дека Бредли Купер е „мамин син“

Детали

недела, 15 јануари 2023

Сите девојки што сакаат да бидат во врска со Бредли Купер треба да прифатат дека во неговиот живот веќе една жена го има главниот збор. Актерот е многу близок со неговата мајка Глорија Кампано, а честопати сака да нагласува дека тој е подготвен да направи сѐ за неа.

Бредли Купер (48) е роден во 1975-та година во Филаделфија, во време кога неговата мајка работела во локална телевизија, а татко му работел како брокер на берза, така што актерот израснал во семејство од средната класа.

Глорија потекнува од италијанско семејство и иако е ситна жена, таа има големо влијание во животот на актерот: сите знаат дека тој бара совет од неа за сѐ – од избор на девојки до улогите што ги прифаќа.

Освен што е близок со мајка му, актерот бил многу близок и со татко му. Кога татко му добил дијагноза дека боледува од рак, Бредли направил сѐ за да му помогне.

Во моментот кога дознал дека нема шанси за спас, Бредли се вратил во семејниот дом за да му се посвети целосно на својот родител.

Неговите родители имале мошне хармоничен брак, а по смртта на татко му во 2011-та година, актерот одлучил да ја викне мајка му да живее со него.

„Тоа беше раздор и последиците сѐ уште ги чувствуваме. Јас и мајка ми си требаме еден со друг“ – рече во една прилика актерот.

Мајка му била ангажирана и како консултант за време на снимањето на неговиот филм Joy.

Што се однесува до односот на Бредли со девојките, се знае дека таа имала многу големо влијание врз неговиот приватен живот. Така, според гласините, Глорија многу ја сакала Рене Зелвегер, но не ѝ се допаѓала Зои Салдана.

Глорија била мошне блиска со Ирина Шајк и според некои пишувања, таа најгласно навивала за тоа Бредли и манекенката да се помират, но сепак постоеја и гласини дека Ирина го оставила заради неговата претерана врска со мајка му.

Инаку, во 2021-ва година, непосредно по избувнувањето на пандемијата актерот откри дека сѐ уште живее со мајка му и дека во тој период биле во карантин заедно со неа и со ќерката што ја доби од врската со Ирина Шајк.

„Мајка ми наскоро ќе наполни 80 години и носи стома (медицинска ќеса на стомакот), па не смеам да пуштам никого дома.

Ниту пак, смеам да излезам од дома, затоа што ако таа се заболи од ковид, тоа ќе значи крај за неа.

Живееме во мала куќа и за среќа имаме двор. Во моментов јас сум главен воспитувач на ќерка ми. Држиме часови по пливање во кадата“ – рече тој.

Инаку, неодамна Бредли и Ирина Шајк ги подгреаја гласините за помирување откако беа објавени повеќе нивни заеднички фотографии, а манекенката веќе знае дека Глорија има големо значење во животот на актерот.

Б. С. Б. | Црнобело