Џеј Ло првпат искоментира зошто Бен е мизерен на сите фотографии

Детали

петок, 12 јануари 2024

„Бен е среќен! Нема потреба да се грижите за него!“ – нагласи Џеј Ло, во моментот кога ја прашаа зошто на сите папараци фотки изгледа „мизерно“ и како да му е смачено од животот.

Се чини дека секојпат кога папараците ќе го фотографираат Бен Афлек, тој има мизерен и тажен израз на лицето, делува како да се кара со сопругата или како нервозно да ѝ ја треска вратата од автомобилот, па заради тоа многумина коментираат дека на нивниот брак му се ближи крајот.

Пред неколку дена, пред доделувањето на наградите Златни Глобуси 2024, неговата сопруга Џенифер Лопез даде изјава во медиумите каде го прокоментира неговиот постојан мизерен израз на лицето, а нејзината изјава стана хит на социјалните мрежи:

„Бен е супер! Само да ви напоменам, нема потреба да се грижите за Бен.

Тој е добар, среќен е! Тука е, и номиниран е за награда“.

А, потоа додаде дека не сфаќа зошто изразот на лицето на нејзиниот сопруг постојано завршува на насловните страници и нагласи дека тој постојано повторува: „Супер сум! Не знам зошто луѓето си создаваат притисок?“

@entertainmenttonight

Jennifer Lopez is making sure everyone knows Ben Affleck is doing alright 😂 #jenniferlopez #benaffleck

♬ original sound - Entertainment Tonight - Entertainment Tonight

Инаку, Daily Mail повикувајќи се на сопствени извори, пишува дека Бен нема проблеми во бракот со Џеј Ло, но му печи тоа што постојано ги следат папараци и чувствува дека никаде не може да мрдне без да биде фотографиран.

„Тоа е дел од денот кој го излудува, и тоа е дел од неговото секојдневие, па на крај изгледа како да се расправа со луѓето со кои е во моментот или дека му пречи нешто околу него, а всушност е изнервиран затоа што некои фотографи се ужасни кон него“.

Наводно, секојпат кога ќе го видиме Бен изнервиран и мизерен, тоа е заради тоа што некој го фотографира, а не затоа што се лути на сопругата.

Нивниот брак не е во криза, а Бен најчесто не знае како да го скрие гневот упатен кон фотографите кои го следат каде и да оди.

Прочитајте и Секојпат кога на Бен Афлек му е „смачено“ од животот, завршува како хит-меме – Најсмешните папарацо фотки од актерот

Б. С. Б. | Црнобело