Модни промашувања и погодоци на доделувањето на Critics‘ Choice Awards 2024 (фото)

Детали

понеделник, 15 јануари 2024

Марго Роби изгледаше беспрекорно во долгиот елегантен фустан, но режисерката Грета Гервиг се појави со фустан кој критичарите го опишуваат како „истуткан чаршаф“. Што носеа филмските ѕвезди на 29-тото издание на Critics‘ Choice Awards?

Синоќа (14.01) во Лос Анџелес се одржа 29-тото издание на Critics‘ Choice Awards и како и секоја година, покрај филмовите и сериите кои се номинирани и наградени, доста внимание привлекуваат и модните изданија на познатите.

Марго Роби со црвениот долг фустан и Џенифер Анистон со елегантни панталони и корсет беа меѓу фаворитите.

Но, многу повеќе се истакнаа модните утки кои годинава ги имаше во изобилство.

Били Ајлиш се појави во аутфит што ги подели мислењата. Младата пејачка носеше тесен црн фустан со бела кошула и високи црни чизми. На долниот дел од фустанот ѕиркаше нешто налик на белата кошула.

Џулиен Мур, пак, се појави во виолетов фустан со чуден крој кој беше малку истуткан.

Во бизарен аутфит се појави и продуцентката Пери Немироф која носеше многу, многу широки таканаречени карго панталони, во комбинација со бела маичка.

Со аутфитот потфрли и режисерката на Barbie – Грета Гервиг – која носеше долг, широк бел фустан што критичарите го опишаа како „истуткан чаршаф за кревет“.

Јапонскиот продуцент и експерт за визуелни ефекти Такаши Јамакази ја имаше можеби најчудната комбинација.

Додека костумот што го носеше изгледа просечно, тој со себе носеше и играчка Годзила, а на чевлите имаше детаљ кој наликува на канџата на чудовиштето.

Од друга страна, некои од најпознатите филмски ѕвезди блеснаа на доделувањето на наградите.

Кои беа најдобро облечените ѕвезди на настанот?

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело