Забавни, емотивни и чудни моменти од доделувањето на Еми награди 2024

Детали

вторник, 16 јануари 2024

Стоечки овации за Кристина Еплгејт која и покрај битката со мултипла склероза, се качи на сцената, но и многу негодувања бидејќи на настанот присуствува Кортни Кардашијан и Тревис Баркер. Како помина доделувањето на 75-тото издание на Еми наградите?

Околу четири месеци откако беше одложено, синоќа конечно се одржа 75-тото издание на Еми наградите.

Настанот требаше да се одржи во септември 2023-та, но мораше да биде одложен поради штрајкот во Холивуд.

На Еми наградите им се дава признание на најдобрите серии од изминатата година, а овој пат доминираше Succession.

Серијата освои статуетка за најдобра драма, најдобра главна машка и женска улога, најдобра режија, најдобро сценарио, но и најдобра споредна машка улога.

Со неколку статуетки се закити и серијата Beef, која победи во категориите најдобра мини антологиска серија, најдобра главна машка и женска улога во мини антологиска серија, најдобро сценарио, како и најдобра режија во својот жанр.

Целата листа на победници можете да ја погледнете ТУКА.

Во продолжение, дел од забавните, емотивните, но и чудните моменти што го одбележаа доделувањето:

Кристина Еплгејт, која има мултипла склероза, храбро зачекори на сцената со бастун како презентер за една од наградите.

Како што актерката се доближи до микрофонот, сите во публиката станаа и почнаа гласно да ѝ ракоплескаат.

На црвениот тепих се појави личност со морничава маска на гоблин, облечена во зелен фустан.

Подоцна се покажа дека станува збор за учесник во популарното ријалити шоу RuPaul’s Drag Race.

Елтон Џон освои статуетка за најдобра изведба во живо и со тоа стана една од ретките личности кои ги имаат освоено четирите главни американски награди од забавната индустрија – Еми, Греми, Оскар и Тони.

Но, пејачот воопшто не беше присутен за да го прифати признанието.

Продолжува на следната страница...