Копија на татко ѝ: Што прави и како изгледа денес ќерката на Михаел Шумахер?
- Детали
- недела, 28 јануари 2024
Џина Шумахер, 25-годишната ќерка на познатиот Формула 1 возач, има 26 години, стана шампион во јавање и е вистинска копија на нејзиниот познат татко.
Кога станува збор за децата на познатите личности, нивните фанови секогаш сакаат да дознаат нешто повеќе.
Додека растеа Џина Марија Шумахер и Мик Шумахер, нивниот татко Михаел Шумахер сакаше да ги заштити од медиумите, па тие детството го поминаа далеку од очите на јавноста.
Но, сè се промени кога тие пораснаа, отворија профили на социјалните мрежи, па нивните фотографии станаа лесно достапни за јавноста.
На почетокот на годината, Шумахер наполни 55 години, а ќерка му Џина објави неколку фотографии и со емотивна порака му го честита роденденот на својот татко. Така и го сврте вниманието кон себе.
Она што можеби малкумина знаат е дека најголема страст на Џина се коњите и јавањето.
За разлика од нејзиниот помал брат кој тргна по стапките на татка си, Џина стана искусен џокеј, благодарение на љубовта кон екстремните спортови и авантурите.
Џина ја споделува својата љубов кон коњите со нејзината мајка, Корина, која и самата е исклучителен јавач и одгледувач.
Ќерката на Шумахер во 2017 година успеа да освои златен медал на Светското првенство на ФЕИ во Швајцарија.
Џина Марија многупати зборуваше за тоа како спортот ѝ помогнал да се справи со тешката повреда на нејзиниот татко, која засекогаш ги промени животите на целото семејство.
Денес Џина е верена за Иан Бетке кој исто така е вљубеник во коњите и јавањето.
Да потсетиме, светскиот шампион во Формула 1 Михаел Шумахер беше тешко повреден на 29 декември 2013 година на скијање на Алпите.
Поради повреда на главата тој беше во кома, од која се разбуди околу шест месеци по несреќата, а за неговата состојба оттогаш знаеме многу малку.
Како и остатокот од нејзиното семејство, Џина јавно не открива информации за состојбата на нејзиниот татко, но понекогаш објавува семејни фотографии од минатото.
Односот на Шумахер со неговата ќерка беше нешто навистина посебно. На прашањето што значело за него да ја има Џина во неговиот живот, Шумахер со гордост има изјавено:
„На мојата скала за среќа, победата вреди три поени, а денот со Џина вреди 20 поени. Ова мало суштество од мене направи поинаква личност“, зборуваше Шумахер по раѓањето на својата ќерка.
Повеќе фотографии од Џина на следната страница...
Би можело да ве интересира:
Препорачуваме
Најчитани неделава
