Сопругата му го прости неверството, се прослави со „Laura non c’e“: Се сеќавате ли на Нек?

Во кариерата сними 13 албуми и 48 синглови, а продаде преку 10 милиони копии.

Тој настапи и на годинешниот Сан Ремо, во дует со Франческо Ренго, а завршија на 25 место од 30 натпреварувачи.

Нек не открива многу за својот приватен живот, освен преку фотографиите што ги споделува на Инстаграм.

Тој е во брак со Патриција Вакондио од 2006 година. Таа не е јавна личност и не се појавува често со сопругот на јавни настани.

Пред да се запознаат во локален паб, во градот каде што се и двајцата родени, Нек ја видел на паркингот пред пабот.

„Веднаш се заљубив“, изјави тој во една пригода.

Парот ја има ќерката Беатрис Марија која се роди во 2010 година.

Сепак, пред неколку години Нек призна дека ја изневерил сопругата, но таа реши да му го прости неверството и да остане во брак со него.

„Ѝ ја признав грешката, ѝ се извинив за сè. Но, кога се гледаме во очи, ние знаеме дека сме еден за друг“, изјави подоцна пејачот.

А. Ј. | Црнобело