8 холивудски скандали што сигурно сте ги заборавиле

Детали

сабота, 16 март 2024

Скиентолошкото видео на Том Круз кое протече онлајн, но и судењето на Мајкл Џексон кој беше обвинет за сексуално малтретирање деца – дел од најголемите скандали во Холивуд, што сигурно сте ги заборавиле.

Низ годините, во Холивуд се случиле толку многу скандали, што повеќето ги забораваме во период од една година, па и помалку.

Секако, за дел од нив се зборува со години, но повеќето дефинитивно одат во заборав.

Да се потсетиме на дел од најголемите холивудски скандали:

Неверството на сопругот на Сандра Булок

Во 2010 година, речиси веднаш откако освои оскар за изведбата во The Blind Side, се дозна дека сопругот на Сандра Булок – Џеси Џејмс – ја изневерувал.

Притоа, во периодот кога се дозна за неверството, парот посвои и син.

Неколку жени излегоа со тврдења дека имале афера со него, што значи Џеси редовно ја изневерувал актерката.

Неверството на Кристен Стјуарт

Во периодот кога бевме „луди“ по Twilight, Кристен Стјуарт и Роберт Патинсон беа омилениот славен пар.

Но, нивната врска заврши откако се појавија фотки од Кристен со режисерот Руперт Сандерс, кој тогаш беше во брак.

На фоките, Руперт ја прегрнува актерката, а потоа и се бакнуваат.

На крај, Кристен мораше и да им се извини на фановите.

Хју Грант беше уапсен со проститутка

Во 1995-та, во период кога беше во врска со Елизабет Харли, Хју Грант беше фатен со проститутка во неговиот автомобил.

Ова е можеби најголемата „дамка“ во кариерата на актерот кој оттогаш успеа да си ја поправи репутацијата.

Дуото Milli Vanilli никогаш не пеело во живо

Крајот на кариерата на Milli Vanilli го означи мигот кога се дозна дека секојпат пеат со „плејбек“.

Но, пеењето со „плејбек“ не беше најголемиот проблем – тогаш се дозна и дека на нивните песни воопшто не пеат тие, туку сосема други луѓе.

Продолжува на следната страница...