7 познати парови кои се венчаа откако раскинаа

Џенифер Лопез и Бен Афлек

Можеби најпозната љубовна приказна од светот на славните.

Своевремено, Бен и Џеј Ло беа омилениот славен пар. Тие се запознаа на сетот на филмот Gigli, во период кога Џеј Ло беше во брак.

Според Бен, брзо се спријателиле, а кога пејачката се разведе, тие јавно кажаа дека се пар.

Во 2002-ра, открија и дека се свршиле. Неколкупати ја одложија свадбата, но во 2004-та раскинаа.

Бен и Џеј Ло ја обновија врската скоро две децении подоцна, во 2021-ва.

Во 2022-ра соопштија дека се свршиле и истата година се венчаа и сè уште се заедно.

Дакс Шепард и Кристен Бел

Дакс и Кристен ја почнаа врската во 2007 година. Но, само три месеци подоцна, Дакс ѝ раскинал.

Наводно, тој се гледал и со други девојки, па затоа сметал дека треба да се разделат со Кристен.

Сепак, набрзо сфатил дека погрешил и ја молел да му прости речиси веднаш по раскинувањето.

Парот се венча во 2013-та и до денес се заедно.

Адам Левин и Бехати Принслу

Пејачот и манекенката ја почнаа врската во 2012 година, и тоа откако Адам ѝ раскина на пријателка на Бехати.

Сепак, во 2013-та тие се разделија, а Адам беше поврзуван со друг супермодел.

Истата година, Адам и Бехати не само што се смирија, туку и се свршија, изјавувајќи дека разделбата била најлошата одлука што ја донеле и двајцата.

Тие се венчаа нешто помалку од една година подоцна и уште се заедно.

Џастин Тимберлејк и Џесика Бил

Џастин Тимберлејк и Џесика Бил ја почнаа врската во 2007-ма, а раскинаа околу четири години подоцна.

Само неколку месеци подоцна, Џастин се отвори за разделбата изјавувајќи дека Џесика била најважната личност во неговиот живот.

Во 2011-та, тие сепак ѝ дадоа втора шанса на врската, а следната година и се венчаа.

Спирова С. | Црнобело