5 познати личности кои биле убиени од фанови (и зошто)

Детали

среда, 10 април 2024

Џон Ленон, но и Џани Версаче, основачот на луксузниот моден бренд – кои познати личности биле убиени од фанови?

Многумина копнеат по слава како на познатите актери и музичари, но како сите да забораваме која е цената што ја плаќаат за својата популарност.

Кога за вас знае целиот свет, лесно е да станете мета на луѓе со секакви растројства.

Иако познатите личности секогаш имаат лично обезбедување, некогаш ни тоа не е доволно за да бидат заштитени.

Всушност, постојано слушаме и приказни за познати личности кои биле демнети од опседнати фанови. Но, некои фанови отишле предалеку.

Познати личности кои биле убиени од фанови:

Џон Ленон

Кога беше на врвот на славата, 40-годишниот Џон Ленон беше застрелан петпати пред неговиот стан во Менхетн.

Музичарот почина на 8-ми декември 1980 година, а неговиот убиец е Марк Дејвид Чапман, кој бил обожавател на The Beatles.

И до денес не е познато кој бил точниот мотив на убиецот.

Наводно, тој давал контрадикторни изјави кога бил прашуван за ова – некогаш велел дека само сакал да стане познат, а некогаш тврдел дека го убил Ленон поради своите духовни верувања.

Во 2010-та година, Чапман откри дека на неговата листа имало и други познати личност, како Елизабет Тејлор и Пол Мекартни.

Исто така, има изјавено дека иако го сакал бендот на Ленон, ја мразел неговата соло песна Imagine поради пораката што ја пренесувала.

Една година по убиството, Чапман беше осуден на затворска казна од најмалку 20 години и неколкупати му беше одбиено барањето за намалување на истата.

Џани Версаче

Џани Версаче, основачот на познатиот моден бренд, беше убиен на 15-ти јули 1997 година.

Тој излегол да си купи кафе и кога се враќал во својот дом во Мајами, бил застрелан во главата.

Убиецот е Ендру Куанан кој пред убиството тврдел дека е пријател на дизајнерот.

Подоцна семејството на Версаче изјави дека тој и убиецот не биле пријатели и не им било јасно зошто го убил.

Ни полицијата никогаш не добила одговори бидејќи Ендру извршил самоубиство шест дена по смртта на Версаче.

Претходно, тој убил уште пет други мажи во неколку различни американски држави.

Продолжува на следната страница...