Најемотивниот момент на концертот на Coldplay во Атина – Хронично болно девојче пееше со Крис Мартин на сцената

Детали

среда, 12 јуни 2024

Подолго време пред концертот била во болница, а потоа со сестра ѝ допатувала од Кипар во Атина за да упати силна порака. Која е Елена Николау, девојчето што го „украде шоуто“ на Coldplay во Атина?

Светски познатиот бенд Coldpay викендов ја започна својата светска турнеја од главниот град на Грција, Атина, каде што изведоа голем број познати хитови и нумери.

Но, освен спектакуларниот перформанс на бендот, се чини дека шоуто го украдоа две сестри од Кипар, кои во солзи се качија на сцената, па испеаја една од најпознатите песни.

Андреа и Елена Николау беа повикани од страна на фронтменот на групата, Крис Мартин да се качат на сцената.

Андреа е хронично болно девојче кое на концертот во публиката носело натпис:

„Хроничната болест го прави секојдневниот живот тежок, но твојата музика го прави секојдневниот живот подобар. Може ли да пееме заедно?“

 

Емотивниот момент во кој Андреа на сцената низ солзи ја испеа песната „Everyday Life“ заедно со сестра ѝ и фронтменот на групата, масовно се споделува на социјалните мрежи, а двете сестри за грчките медиуми раскажуваат како дошло до тоа тие да бидат поканети на сцената.

„Вчера се случи вистинско чудо затоа што ја почувствувавме љубовта и сонот на Андреа стана реалност.

Уште во 10 часот утрото бевме пред стадионот каде што се одржуваше концертот и чекавме трпеливо, а луѓето околу нас ни помагаа и нè охрабруваа.

Луѓето околу нас ја кренаа сестра ми во воздух за пејачот да може да го види нејзиниот натпис и тој нè повика на сцената“ – раскажува Елена.

https://www.tiktok.com/@doctor.vlachakis/video/7378244825914559776

Таа појаснува дека на Андреа неодамна ѝ бил дијагностициран дијабетес и долго време престојувала во болница, а настапот го посветила на сите оние што се борат со болеста и посакуваат подобар живот секојдневно.

„Кога силно посакувате нешто, универзумот ќе се преврти за да ви помогне“ – велат сестрите.

https://www.tiktok.com/@doctor.vlachakis/video/7378212693913636128

Б. С. Б. | Црнобело