Во младоста била без „скршен денар“ и имала депресија, ја критикуваа за изгледот – Факти за Пенелопи од серијата Bridgerton

Детали

недела, 30 јуни 2024

Пред да се пробие, 37-годишната Никола Коклан немала пари ни за кафе – која е симпатичната актерка која ја има главната улога во хит-серијата Bridgerton?

Нетфликс серијата Bridgerton е огромен хит ширум светот, а се прославува и кај нас.

А, еден од највпечатливите ликови е симпатичната Пенелопи која ја глуми актерката Никола Коклан од Ирска.

Благодарение на серијата, 37-годишната Никола се претвори во светски позната актерка и стана еден вид заштитно лице на плус-сајз девојките.

И покрај славата во којашто ужива денес, Никола не се прославила така лесно и ѝ било тешко да се пробие, сè додека не добила улогата во серијата Derry Girls, а подоцна и Bridgerton.

Неколку факти за Никола Коклан:

Голем дел од 20-тите години била без „скршен денар“

Иако Никола ја добила првата улога уште во 1997-ма, голем дел од животот имала сериозни финансиски проблеми.

Ситуацијата се променила кога добила улога во серијата Derry Girls која почна да се емитува во 2018-та.

„Моите 20-ти беа луди. Постојано бев без пари. Ако сакав да си купам кафе, се плашев дека картичката ќе ми биде одбиена.

Постојано бев под стрес“, откри таа во интервју од 2020-та.

Но, Никола била упорна и не се откажувала од сонот – учела во училиштето за драма на Оксфорд, како и училиштето за глума во Бирмингем.

Потоа, дипломирала на Националниот универзитетот во Ирска, а во меѓувреме била дел од бројни театарски претстави.

„Моите почетоци се на театарска сцена и постојано се прашував дали барем 20 луѓе ќе дојдат да ми ја гледаат претставата“, раскажува Никола.

Првата поголема улога во претстава ја добила преку Твитер

Извесен период, поради финансиските проблеми, Никола морала да се врати во домот на родителите каде што нашла работа со половина работно време.

Тој период, на Твитер видела оглас за аудиција за популарна театарска претстава, се пријавила и ја добила.

„Претставата Jess and Joe Forever ми е многу важна.

Преубава и е, на некој начин, мојата прва поголема улога во индустријата“, има изјавено актерката.

Продолжува на следната страница...