Емотивно видео: Мајкл Џ. Фокс, кој има Паркинсонова болест, настапи со Coldplay на фестивал во Англија

Детали

понеделник, 01 јули 2024

За време на концертот на Coldplay на музичкиот фестивал Glastonbury, на огромно изненадување на сите, на сцената се појави Мајкл Џ. Фокс кој страда од Паркинсонова болест и со бендот го свиреше нивниот хит Fix You.

Деновиве во Англија се одржува познатиот музички фестивал Glastonbury, а од сите изведувачи, можеби најголемо изненадување за присутните беше Мајкл Џ. Фокс.

Актерот, кој страда од Паркинсонова болест, се качи на сцената со познатиот бенд Coldplay пред публика од 120.000 посетители.

63-годишниот актер се појави на сцената во инвалидска количка со гитара и ја изведе Fix You заедно со бендот.

Мајкл објави неколку фотки од фестивалот, а во описот му се заблагодари на бендот за почеста.

„Целата љубов и благодарност за членовите на Coldplay кои многу добро се грижеа за мене и мојот тим…

И, во случај да се прашувате, беше неверојатно“, напиша Мајкл, меѓу другото.

Актерот сподели и видео од мигот кога се појави на сцена, на коешто се гледа дека публиката не останала рамнодушна на емотивниот момент.

И во коментари, следбениците на актерот ја покажуваат својата радост, но и нивната восхит за енергијата на Мајкл.

„Историска изведба!“

„Мајкл Џ. Фокс, прекрасен си како и секогаш“.

„Мајк е прекрасна личност. Никогаш не дозволил неговата болест да му го диктира животот“.

„Колку убав концерт... Гледав од дома. Син ми има церебрална парализа, па прекрасно е да се види како Coldplay покажуваат почит на луѓе со попреченост“.

Погледнете го настапот на Мајкл Џ. Фокс и Coldplay:

Спирова С. | Црнобело