Тоби Мегваер (49) е новиот Леонардо ди Каприо (49) – актерите на јахта во Италија со многу млади девојки

Детали

среда, 31 јули 2024

Како и секое лето, и годинава Тоби Мегваер и Леонардо ди Каприо беа на одмор на јахта, во друштво на многу млади модели. Покрај 26-годишната девојка на Леонардо, Тоби (49) беше забележан со девојка за која се верува дека има 20 години.

Веќе добро познат факт е дека Леонардо ди Каприо (49) сака (многу) помлади девојки.

А, се чини ист вкус има и неговиот најдобар пријател Тоби Мегваер, актерот кој се прослави со улогата на Спајдермен.

Зa разлика од Леонардо, 49-годишниот Тоби се држи понастрана од јавноста, но повремено е забележуван во друштво на многу помлади девојки, претежно модели.

Изминативе неколку денови, актерите се на одмор во Франција и Италија.

Во понеделникот (29.07), актерите беа забележани во ресторан во Портофино, Италија.

Со нив беше девојката на Леонардо – 26-годишната Виторија Серети, и уште неколку пријатели, но и 21-годишната актерка Емили Скинер.

Пред вечерата во Италија, Тоби Мегваер беше на јахта на југот од Франција, во Сен Тропе, во друштво на непозната девојка.

Иако лицето на девојката не се гледа најдобро на папарацо фотките, многумина сметаат дека станува збор за 20-годишниот модел Лили Чи.

Тоби беше фотографиран со неа и на прослава за Денот на независноста на САД, па постојат гласини дека се пар, и покрај возрасната разлика од дури 29 години.

Вчера, пак, Тоби и Леонардо беа забележани на јахта во Италија, секако, во друштво на млади модели.

Покрај 29-годишната Виторија, на фотките се гледаат уште две-три млади девојки.

За потсетување, Леонардо и Тоби се пријатели уште од 1980-тите и заедно се пробиваа во Холивуд.

Кога почнаа да се прославуваат, во 1990-тите, беа познати како „лошите момци од Холивуд“ и станаа препознатливи по лудите забави.

Покрај честите излегувања, тие беа поврзувани и со многу девојки, претежно модели – исто како и денес.

Последниве неколку години, пак, секое лето заедно одат на јахта, а покрај нив секогаш има и по неколку девојки.

Спирова С. | Црнобело