„Мажите ме оставаат“ – Дали Лејди Гага конечно ќе се омажи со третиот свршеник, во кој е лудо вљубена?

Таа на Оскарите се појави заедно со тогашниот партнер, а на црвениот тепих гордо го покажа дијамантскиот прстен во форма на срце.

Само неколку месеци подоцна, парот објави дека ја раскинале свршувачката. Наводно, огромниот број на ангажмани не им дозволувал да бидат заедно.

По раскинувањето на свршувачката, речиси во сите таблоиди почнаа да се шират гласините за наводната врска на пејачката со актерот Бредли Купер, со кого играше заедно во филмот A Star Is Born.

Во 2017-та година Лејди Гага беше во врска со агентот за таленти Кристијан Карино, а само неколку месеци подоцна почнаа да кружат гласини дека тие двајца се свршиле.

Врската траеше две години, но парот не стигна до олтар, а за време на нејзината изведба на песната Someone to Watch Over Me во Лас Вегас, во јуни 2019-та година, пејачката пред публиката изјави:

„Последниот пат кога ја изведував оваа песна, имав прстен на раката“ – со што истовремено ја потврди и свршувачката, но и раскинувањето.

На Нова година, истата година Лејди Гага сподели фотографии со Мајкл Полански, со што ги подгреа гласините дека е во нова љубовна врска, а дури во април годинава, пејачката беше забележана со огромен дијамантски прстен, со што ги потврди гласините дека се свршила по третпат.

Станува збор за прстен со дијамант од 20 карати, кој се проценува дека чини околу 2 милиони долари.

Б. С. Б. | Црнобело