Детали од животот на мајката на Џастин Бибер – Дознала дека е бремена откако пробала да се самоубие, го родила на 18 години

Детали

среда, 23 октомври 2024

Мајката на Џастин Бибер имала само 18 години кога го родила пејачот. Мајка ѝ ја избркала од дома, па со Џастин живееле од социјална помош...

Периодов мајката на Џастин Бибер е критикувана од јавноста, особено од фановите на пејачот.

Среде случајот со Пи Диди, многумина се сомневаат дека и самиот Џастин бил негова жртва, и тоа уште во тинејџерските години, а ја критикуваат мајка му што дозволила да се случи тоа.

Односно, многумина сметаат дека таа го искористила за да се збогати на негов грб и со тоа да си го подобри животот.

Од друга страна, некои сметаат дека мајка му само сакала да му подари подобар живот, а ни самата не била свесна што може да го дочека Џастин во музичката индустрија како млад артист.

Имено, нејзиниот живот бил особено тежок и самата се соочила со низа трагедии и премрежја.

Неколку детали од животот на мајката на Џастин – Пети Малет:

Сестра ѝ загинала во сообраќајка

Уште пред Пети да се роди, нејзината сестра загинала во сообраќајка.

Девојчето имало само 5 години, а тој период мајка им била бремена со Пети.

Околу две години подоцна, татко ѝ, кој би насилен алкохоличар, ги напуштил.

Била силувана уште во детството

Во своите мемоари од 2012 година, Пети открива дека првпат била сексуално нападната уште пред петтиот роденден.

А, нападите и силувањата продолжиле додека да наполни 14 години.

Ова се случувало откако татко ѝ си заминал од дома, а дел од виновниците биле дедо на нејзина пријателка, како и машка дадилка која требало да се грижи за неа.

„Бев напаѓана толку често, што по некое време ми стана нормално.

Беше чудно – знаев дека нешто не е во ред, но се помирив бидејќи веќе ми стана познато“, пишува Пети.

Во тинејџерските години почнала да користи дрога и алкохол

Со цел да се справи со емоционалната болка, Пети се свртела кон дрога и алкохол.

„Почнав да пијам алкохол и да користам марихуана кога имав 14 години.

Опивањето и дрогирањето од забава ми станаа како вид терапија што си ја препишав сама.

Не можев да издржам ни еден час на училиште ако не бев под дејство на дрога или алкохол“.

На 15-годишна возраст повторно била силувана

Кратко пред да го запознае таткото на Џастин Бибер – Џереми – Пети била силувана од дечко што го запознала на забава.

Тогаш имала 15 години, а проблемите со алкохолот само се влошувале.

Врската со татко му на Џастин ја влошила ситуацијата

Во мемоарите, Пети открива дека врската со Џереми била осудена на пропаст уште на почетокот.

Најмногу бидејќи и Џереми бил алкохоличар, а бил на иста возраст како Пети.

„Нашата врска траеше четири години, но постојано раскинувавме и се смируваме.

Тој ме манипулираше и постојано се чувствував исплашено и несигурно“.

Прочитајте и „Не беше зрел за да има дете“ – Зошто никогаш не слушаме за таткото на Џастин Бибер?

Продолжува на следната страница...