Почина Лиам Пејн од One Direction – Ја уништил хотелската соба, па паднал од третиот кат во хотел во Аргентина

Детали

четврток, 17 октомври 2024

Непосредно пред падот од хотелската соба вработените викнале полиција, но кога пристигнале на местото на инцидентот медицинските екипи можеле само да констатираат смрт – детали за смртта на Лиам Пејн.

Членот на светски познатата група One Direction, Лиам Пејн (31) почина вчера (16.10) откако паднал од третиот кат во хотел во Аргентина.

Лиам бил сместен во хотелот Casa Sur Palmero, а според информациите објавени во британските и аргентинските медиуми, тој се однесувал насилно.

Вработен во хотелот изјавил дека непосредно пред падот на музичката ѕвезда морал да повика полиција заради агресивното однесување на гостинот.

Според неговата пријава, видливо било дека Лиам е под дејство на алкохол и опојни супстанци.

„Лиам се однесуваше агресивно и го скршил лаптопот во хотелското лоби, по што присилно бил однесен во неговата соба” – пишуваат аргентинските медиуми.

Од снимените полициски разговори се слуша како вработениот во хотелот им вели на полицајците:

„Кога е во свесна состојба, ја уништува хотелската соба и потребна ни е ваша интервенција“.

На социјалните мрежи веќе се појавија фотографии на кои се гледа уништената соба на музичарот.

Инаку Лиам претрпел големи повреди по падот од третиот кат, па медицинските екипи кои што пристигнале на местото на инцидентот можеле само да констатираат смрт.

Лиам во Аргентина пристигнал за да присуствува на концертот на некогашниот колега од бендот Нajл Хоран.

Се претпоставува дека заедно со него била и неговата сегашна партнерка Кејт Кесиди.

Инаку, смртта на познатиот музичар следува само неколку дена откако неговата поранешна партнерка Маја Хенри поднела пријава против него за вознемирување.

Моделот тврди дека Лиам опсесивно ѝ се јавувал нејзе, на нејзините пријатели, но и на мајка ѝ.

Инаку, пејачот во 2023-та година изјави дека бил 100 дена на рехабилитација од алкохол и опојни супстанци и дека се труди да остане трезен. Тој има 8-годишен син со британската поп пејачка Шерил Кол.

На следната страница повеќе фотографии и видеа од хотелот каде што почина Лиам...