По убиството на девојка му, се венчал со сестра ѝ – Најскандалозниот холивудски режисер потекнува од Србија

Режисерот и сопругата се развеле во 1971-ва, по што врската со Сибил станала и официјална.

„Не планиравме да се гледаме откако ќе завршиме со снимањето.

Но, се вљубивме“, има изјавено режисерот.

Нивната врска траела цели седум години, пред да се разделат во 1978-ма.

По разделбата со Сибил, режисерот почнал врска со Дороти Стратен – една од најпознатите плејбој зајачици во 1970-тите.

А, нивната врска била афера – Дороти била во брак со нејзиниот поранешен менаџер Пол Снајдер.

Сепак, Дороти и сопругот веќе не живееле заедно и таа сакала да се разведат.

Но, плејбој зајачицата не го дочекала тој ден.

Пол и Дороти се разделиле откако тој почнал да се сомнева дека го изневерува.

Дури најмил и приватен детектив и дознал за аферата.

Во август 1980-та, кога имала само 20 години, Дороти отишла кај сопругот Пол за да разговараат за разводот.

Пол ја убил Дороти, а потоа се застрелал и самиот.

Овде не завршуваат скандалозните врски на Петар Богдановиќ.

По трагичната смрт на Дороти, режисерот минувал повеќе време со нејзиното семејство.

Па, се зближил со сестра ѝ на Дороти и почнал да се гледа токму со неа.

Режисерот тврдеше дека возрасната разлика од 29 години не им пречи, но и дека заедно ја преболеле смртта на Дороти.

„Бевме како да сме преживеале бродолом.

Двајцата се држевме за истата штица од уништениот брод и сфативме дека сме вљубени еден во друг“.

Тие дури и се венчаа, осум години по смртта на Дороти, но се разведоа во 2001-ва.

Спирова С. | Црнобело