Таа вели дека избегала од дома, но мајка ѝ тврди дека не е најдена: Која е холивудската актерка што исчезна?

„Моето име е Шанел Бенкс. Имам 36 години и целиот живот тивко ја носам болката на ритуално сексуално малтретирање, манипулација и бескрајна тортура што ги трпам откако сум била беспомошно бебе.

Сето ова од рацете на моето таканаречено семејство кое е многу ’загрижено‘ за тоа каде се наоѓам сега.

Се сретнав со полицијата и потврдив дека сум во ред, но и дека конечно сум слободна од мајка ми и нејзиното семејство“, почнува нејзината изјава.

Шанел вели дека нашла утеха кај Бог и дека пред една недела изразила желба да се крсти во црква, а тогаш видела можност да избега од нејзиното семејство.

Актерката истакнува дека во САД има многу деца кои страдале како неа и дека е време да се преземе нешто.

„35 години требаше да го трпам најлошо насилство од мојата родена мајка – Џуди Кумар. Исто и од мојот очув кој е педофил и криминалец“.

Шанел вели дека била жртва и на нејзините „тетки и чичковци“, па и братучедите кои во медиумите велат дека се загрижени за неа.

Таа додава дека покрај сексуалното малтретирање, никогаш немала свое јас, а кога пробувала да си замине, нејзиното семејство умешно ги убедувало сите дека има проблеми со менталното здравје.

Кога се обидувала да си замине како повозрасна личност, постојано ја следеле и не ја оставале на мир.

Шанел вели дека ѝ ја уништиле кариерата и дека ѝ ја украле „секоја трошка среќа или мир“.

Она што конечно ја прелило чашата за Шанел било сознанието дека нејзините родители, но и нејзиниот сопруг, пробале да добијат легално старателство над неа, со што ќе имаат контрола врз скоро секој аспект од нејзиниот живот.

„Ве молам не донирајте на никаква кампања која тврди дека сум исчезнала. Јас не сум исчезната“, завршува нејзината изјава.

Засега надлежните немаат откриено дали зад изјавата навистина стои Шанел, но тие се држат до ставот дека ја пронашле и не ја сметаат за исчезната.

Спирова С. | Црнобело