Четвртиот развод на Џеј Ло и уште 11 настани од светот на шоу-бизнисот што ја одбележаа 2024-та

Џон Красински беше прогласен за најсекси маж на годината (и јавноста негодуваше)

Изборот на магазинот People наиде на критики, односно мислењето на јавноста никогаш не било поподелено за најсекси мажот на годината.

На повеќето не им беше јасно како актерот победил во конкуренција со заводници како Рајан Гослинг, Хенри Кавил и Педро Паскал.

Жизел Бундшен го очекува третото дете на 44-годишна возраст

Кратко по разводот со Том Брејди, Жизел Бундшен најде нова љубов, а годинава откри дека со партнерот очекува и дете.

44-годшниот модел веќе има две деца од претходниот брак.

Кејт Мидлтон го победи ракот

Во март годинава, по долго отсуство од јавноста, Кејт Мидлтон откри дека има рак.

Неколку месеци подоцна, принцезата сподели дека завршила со хемотерапијата и дека ја победила болеста.

Блејк Лајвли си ја уништи репутацијата

Преку ноќ, од една од најобожаваните актерки, Блејк се претвори во најомразена личност во Холивуд.

Причината беше нејзината маркетинг стратегија за новиот филм It End With Us.

Фановите почнаа да ја критикуваат бидејќи главната тема во филмот е семејно насилство, но Блејк го промовираше како романтична комедија, па дури и кажуваше шеги за филмот.

По ова, јавноста почна да „копа“ по нејзиното минато, па на виделина излегоа бројни интервјуа каде што Блејк се однесува дрско кон новинарите, со што дополнително си ја расипа репутацијата.

Џастин и Хејли Бибер добија дете

Летоска, Џастин и Хејли Бибер го добија првото дете – синче на кое му го дадоа името Џек.

Периодов парот се држи настрана од јавност, поради поврзаноста на Џастин со Пи Диди и претпоставките на јавноста дека бил негова жртва.

Свадбата на синот на најбогатиот Индиец

Нарекувана и „свадбата на годината“, прославата на Анант Амбани и сопругата дефинитивно беше настан што го проследија сите.

Во месеците пред свадбата, тие организираа неколку прослави на кои настапуваа ѕвезди како Ријана и Џастин Бибер, додека на самата венчавка присуствуваа некои од најпознатите најмоќните луѓе на планетата.

Спирова С. | Црнобело